2 Myghternedh 23:29 - An Bibel Kernewek 20234 (Kernewek Kemmyn)

²⁹ Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.

2 Myghternedh 23:29 ပူးပေါင်းရင်းမြစ်များ

1 Myghternedh 4:12

Baana mab Ahilud yn Taanak ha Megiddo, oll Beth-shean ryb Sarethan yn-dann Yezreel, a Beth-shean dhe Abel-mehola, bys y'n tu arall dhe Yokmeam;

2 Myghternedh 14:11

Mes ny vynna Amasia klewes. Rakhenna Yehoash myghtern Ysrael eth yn-mes. Ev hag Amasia myghtern Yuda a viras an eyl orth y gila fas orth fas yn Beth-shemesh yn Yuda.

2 Myghternedh 14:8

Ena Amasia a dhannvonas kannasow dhe vyghtern Yehoash mab Yehoahaz mab Yehu myghtern Ysrael, ow leverel, ‘Deus, miryn an eyl orth y gila fas orth fas.’

2 Myghternedh 22:20

Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.

2 Myghternedh 23:28

Gweythresow erell Yosia, ha pup-tra a wrug, a nyns yns i skrifys yn lyver kovadhow myghternedh Yuda?

2 Myghternedh 24:7

Ny dheuth myghtern Ejyp yn-mes a'y wlas arta, rag myghtern Babylon re gemmersa pup-tra esa dhe vyghtern Ejyp, dhiworth nans Ejyp bys y'n avon Ewfrates.

2 Myghternedh 9:27

Mes pan welas Ahazia myghtern Yuda hemma ev a fias war an fordh dhe Beth-haggan. Yehu a'n siwyas, ow leverel, ‘Tennewgh orto ynwedh!’ Hag i a dennas orto y'n charett war an fordh a yskynn dhe Gur hag usi ryb Ybleam. Hag ev a fias dhe Megiddo ha merwel ena.

Ekklesiastes 8:14

Ottomma euveredh arall yw gwrys y'n norvys: treweythyow yma tus wiryon a gyv an pyth a dhendil an debeles, ha treweythyow yma tebeles a gyv an pyth a dhendil an re wiryon. Yn-medhav, ‘Hemma ynwedh yw euveredh.’

Yeremia 22:10

Na oelewgh rag an marow, na kyni ragdho; mes oelewgh ragdho ev neb a yn-mes, rag ny dhehwel namoy, na gweles tir y enesigeth.

Yeremia 22:11

Rag yndellma y lever an Arloedh a-dro dhe Shallum mab Yosia myghtern Yuda a reynyas yn le Yosia, hag eth yn-mes a'n tyller ma; ny dhehwel omma arta,

Yeremia 22:12

mes ev a verow y'n tyller ma'n dugons yn keth, ha ny wel an tir ma namoy.

Yeremia 46:2

A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda:

Yeremia 46:6

Na wres an buan fia na'n kasor diank; dhe'n gogledh ryb an avon Ewfrates i re drebuchyas ha koedha.

Ezekiel 19:1

Ty, drehav galargan rag pennsevigyon Ysrael,

Zekaria 12:11

Y'n jydh na an kynvann yn Yerusalem a vydh meur, avel kynvann Hadad-rimmon yn nans Megiddo.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Yoshua 17:11

Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.

Breusysi 1:27

Ny wrug Manasse chasya dhe-ves trigoryon Beth-shean ha'y threvow, na Taanak ha'y threvow, na trigoryon Dor ha'y threvow, na trigoryon Ybleam ha'y threvow, na trigoryon Megiddo ha'y threvow; byttegyns an Kananysi a withas dalghenn y'n tir na.

Breusysi 5:19

‘Myghternedh a dheuth, i a omladhas; ena myghternedh Kanan a omladhas yn Taanak, ryb dowrow Megiddo; ny gemmersons preydh a arghans.