2 Myghternedh 23:27 - An Bibel Kernewek 20234 (Kernewek Kemmyn)

²⁷ An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

2 Myghternedh 23:27 ပူးပေါင်းရင်းမြစ်များ

1 Myghternedh 8:29

may fydh igor dha lagasow war-tu ha'n chi ma nos ha dydh.

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 18:11

Myghtern Assyria a dhug Ysrael dhe-ves bys yn Assyria ha'ga gorra yn Halagh ha ryb an avon Habor yn Gozan, hag yn sitys an Medys,

2 Myghternedh 21:13

My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

2 Myghternedh 21:14

My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Myghternedh 23:28

Gweythresow erell Yosia, ha pup-tra a wrug, a nyns yns i skrifys yn lyver kovadhow myghternedh Yuda?

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Myghternedh 24:3

Yn sur hemma a dheuth war Yuda herwydh gorhemmynn an Arloedh, rag aga hemmeres yn-mes dhiworth y wolok, drefenn oll peghosow Manasse a wrug,

2 Myghternedh 25:11

Nebuzaradan, kapten an withysi, a dhug yn divroedh remenant an bobel o gesys y'n sita, ha'n gilfowesigyon re gilfisa dhe vyghtern Babylon, oll remenant an routh.

2 Myghternedh 25:21

Myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

Salmow 51:11

Na dowl vy dhe-ves a'th fas ha na gemmer a-dhiworthiv dha Spyrys sans.

Yeremia 15:4

Ha my a wra dhedha bos euth rag oll gwlaskordhow an nor, drefenn Manasse mab Hezekia myghtern Yuda, rag an pyth a wrug ev yn Yerusalem.

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Yeremia 23:33

Ha pan wovynn orthis an bobel ma, po an profoes, po oferyas, ‘Pyth yw begh an Arloedh?’ ty a lever dhedha, ‘Hwi yw an begh, ha my a wra agas forsakya, yn-medh an Arloedh.’

Yeremia 23:39

rakhenna otta, my a'gas ankev yn tien, ha'gas tewlel dhe-ves dhiworth ow fas, hwi ha'n sita a res dhywgh ha dh'agas tasow.

Yeremia 31:37

Yndellma y lever an Arloedh: Mar kyll bos musurys an nevow a-ugh, ha hwithrys selveyn an nor dhe-woeles, ena my a dewl dhe-ves oll has Ysrael drefenn an pyth re wrussons, yn-medh an Arloedh.

Yeremia 32:31

Rag an sita ma re beu acheson a'm sorr hag ow honnar a-dhia'n jydh may feu drehevys bys y'n jydh ma, ma's dileav a-dhiworth ow golok;

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.