2 Myghternedh 23:26 - An Bibel Kernewek 20234 (Kernewek Kemmyn)

²⁶ Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

2 Myghternedh 23:26 ပူးပေါင်းရင်းမြစ်များ

2 Myghternedh 22:13

‘Kewgh ha hwilewgh dhiworth an Arloedh ragov, rag an bobel, ha rag oll Yuda, a-dro dhe eryow an lyver ma re beu kevys; rag bras yw sorr an Arloedh re beu enowys er agan pynn, drefenn na woslowas agan tasow orth geryow an lyver ma, dhe wul pup-tra herwydh an pyth yw skrifys a-dro dhyn.’

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Myghternedh 24:20

Dhe wir, kemmys y sorras Yerusalem ha Yuda an Arloedh ma's estewlis dhiworth y lok. Sedekia a rebellyas erbynn myghtern Babylon.

2 Myghternedh 24:3

Yn sur hemma a dheuth war Yuda herwydh gorhemmynn an Arloedh, rag aga hemmeres yn-mes dhiworth y wolok, drefenn oll peghosow Manasse a wrug,

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

2 Kroniklys 35:20

Wosa oll hemma, pan wrussa Yosia pareusi an tempel, Neko myghtern Ejyp eth yn-bann rag batalyas yn Karkemish war an Ewfrates, ha Yosia eth yn-mes er y bynn.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Ezra 10:14

Lemmyn gwres agan rewloryon bos yn le oll an kuntelles, ha gwres oll trigys yn agan sitys hag a gemmeras gwragedh estren dos yn termynyow apoyntys, ha gansa henavogyon ha breusysi pub sita, bys pan vo sorr fell agan Duw drefenn an mater ma treylys dhiworthyn.’

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.