2 Myghternedh 23:2 - An Bibel Kernewek 20234 (Kernewek Kemmyn)

² An myghtern eth yn-bann dhe ji an Arloedh, hag oll gwer Yuda hag oll annedhysi Yerusalem ganso, ha'n oferysi, ha'n brofoesi, hag oll an bobel byghan ha bras; hag ev a lennas yn aga diwskovarn oll geryow lyver an kevambos re bia kevys yn chi an Arloedh.

2 Myghternedh 23:2 ပူးပေါင်းရင်းမြစ်များ

Jenesis 19:11

Hag i a weskis an wer esa orth daras an chi gans dellni, byghan ha bras, ma na allsons kavoes an daras.

1 Myghternedh 8:9

Nyns esa travyth y'n argh marnas an dhew legh a veyn re worras Moyses ena yn Horeb, le may hwrug an Arloedh kevambos gans fleghes Ysrael, pan dheuthons yn-mes a bow Ejyp.

2 Myghternedh 22:8

Hilkia an arghoferyas a leveris dhe Shafan an skrifwas, ‘My re gavas lyver an lagha yn chi an Arloedh.’ Ha Hilkia a ros an lyver dhe Shafan hag ev a'n redyas.

2 Kroniklys 15:13

Piw pynag ny vynna hwilas an Arloedh, Duw Ysrael, y tegoedhva may fedha ledhys, po yowynk po koth, po gour po benyn.

2 Kroniklys 17:9

I a dhyski yn Yuda ha gansa lyver lagha an Arloedh; i e oll a-derdro der oll sitys Yuda ow tyski yn mysk an bobel.

Nehemia 13:1

Y'n jydh na, i a lennas yn-mes a lyver Moyses yn klewans an bobel; hag ynno y feu kevys skrifys na dal entra nevra naneyl Ammonyas na Moabyas a-ji dhe guntelles Duw,

Nehemia 9:3

I a sevis yn-bann yn aga savla ha lenna mes a lyver lagha an Arloedh aga Duw rag kwarter an jydh, ha rag kwarter arall i a gonfessyas, ha gordhya an Arloedh aga Duw.

Ester 1:5

Pan veu an dydhyow ma kollenwys, an myghtern a wrug kevewi rag oll an bobel a omgevi yn Shushan an bennsita, byghan ha bras, seyth dydh, yn klos lowarth palys an myghtern.

Job 3:19

Yma byghan ha bras ena, ha rydh yw an kethwas dhiworth y vester.

Salmow 115:13

Ev a vennik an re a berth own a'n Arloedh, kekeffrys byghan ha bras.

Yeremia 34:8

An ger hag a dheuth dhe Yeremia a-dhiworth an Arloedh wosa myghtern Sedekia dhe wul kevambos gans oll an bobel yn Yerusalem dhe wrontya rydhses dhedha,

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,

Dewteronomi 31:26

‘Kemmerewgh an lyver ma a'n lagha ha'y settya ryb argh kevambos an Arloedh agas Duw, rag may fo eno yn test er dha bynn.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

1 Samuel 30:2

ha kemmeres yn kethneth an benynes hag oll myns esa ynni, byghan ha bras; ny ladhsens gour vyth, mes aga doen dhe-ves, ha mos war aga fordh.

1 Samuel 5:9

Y hwarva, wosa i dh'y dri di, bos leuv an Arloedh erbynn an sita, gans skruth pur vras; ev a blagyas gwer an sita, yowynk ha hen, may tardhas yn-mes hwedhow warnedha.