2 Myghternedh 23:15 - An Bibel Kernewek 20234 (Kernewek Kemmyn)

¹⁵ Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Myghternedh 23:15 ပူးပေါင်းရင်းမြစ်များ

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

1 Myghternedh 15:30

Hemma a hwarva drefenn an peghosow a wrug Yeroboam hag a wrug dhe Ysrael aga gul, ha drefenn an sorr may frosas an Arloedh, Duw Ysrael, dhodho.

1 Myghternedh 21:22

ha my a wra dha ji haval dhe ji Yeroboam mab Nebat, ha haval dhe ji Baasha mab Ahiya, drefenn ty dhe'm brovokya dhe sorr ha gul dhe Ysrael pegha.

2 Myghternedh 10:31

Mes ny waytyas Yehu siwya lagha an Arloedh, Duw Ysrael, a leun golonn. Ny dreylyas dhiworth peghosow Yeroboam a wrug dhe Ysrael pegha.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Myghternedh 3:3

Byttegyns ev a lenas orth peghosow Yeroboam mab Nebat, a wrug dhe Ysrael pegha, ha ny dreylyas dhiworta.

2 Kroniklys 34:6

Yn sitys Manasse, Efraym, ha Simeon, bys Naftali ha bys yn aga magoryow oll a-derdro,

2 Kroniklys 34:7

ev a dorras dhe'n dor an alteryow, hag a vrewis an Asherim ha'n imajys gravys dhe bolter hag a dhistruis oll an alteryow ynkys der oll pow Ysrael. Ena ev a dhehwelis dhe Yerusalem.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’

1 Samuel 7:4

Ena mebyon Ysrael a removas an Baalim ha'n Ashtaroth, hag i a servyas unnsel an Arloedh.