2 Myghternedh 22:2 - An Bibel Kernewek 20234 (Kernewek Kemmyn)

² Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

2 Myghternedh 22:2 ပူးပေါင်းရင်းမြစ်များ

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 15:11

Asa a wrug an pyth o ewn yn golok an Arloedh, par dell wrussa y das Davydh.

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

2 Myghternedh 12:3

Mes ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel.

2 Myghternedh 14:3

Ev a wrug an pyth o ewn yn golok an Arloedh, mes a-der kepar ha Davydh y das; ev a wrug pup-tra kepar dell re wrussa Yoash y das.

2 Myghternedh 16:2

Ugens bloedh o Ahaz pan dhallathas reynya, hag ev a reynyas hwetek blydhen yn Yerusalem, ha ny wre an pyth o ewn yn golok an Arloedh y Dhuw, kepar ha Davydh y das.

2 Myghternedh 18:3

Ev a wrug an pyth o ewn yn golok an Arloedh, kepar ha pup-tra a wrug Davydh y das.

2 Kroniklys 17:3

Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

2 Kroniklys 29:2

Ev a wrug an pyth o ewn yn golok an Arloedh, kepar dell wrug Davydh y das.

2 Kroniklys 31:20

Hezekia a wrug hemma der oll Yuda; ev a wrug an pyth o da hag ewn ha lel a-rag an Arloedh y Dhuw.

2 Kroniklys 34:1

Yosia o eth bloedh pan dhallathas reynya, hag ev a reynyas unnek blydhen warn ugens yn Yerusalem.

Lavarow Koth 20:11

Yonker yw aswonnys der y weythresow, mars yns i pur hag ewnhynsek.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Sefania 1:1

Ger an Arloedh a dheuth dhe Sefania, mab Kushi, mab Gedalia, mab Amaria, mab Hezekia, yn dydhyow Yosia mab Amon, myghtern Yuda:

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.