2 Myghternedh 22:10 - An Bibel Kernewek 20234 (Kernewek Kemmyn)

¹⁰ Ena Shafan an skrifwas a dherivas dhe'n myghtern ow leverel, ‘Hilkia an oferyas re ros lyver dhymm.’ Ha Shafan a'n lennas a-rag an myghtern.

2 Myghternedh 22:10 ပူးပေါင်းရင်းမြစ်များ

2 Myghternedh 22:11

Pan glewas an myghtern geryow lyver an lagha, ev a skwardyas y dhillas.

2 Myghternedh 22:9

Ena Shafan an skrifwas a dheuth dhe'n myghtern, ha derivas dhe'n myghtern, ‘Agas gwesyon re guntellas an arghans a veu kevys y'n chi, hag i re'n delivras yn leuv an weythoryon apoyntys dhe worvires yn chi an Arloedh.’

2 Kroniklys 34:18

An skrifennyas, Shafan an skrifennyas a dherivas dhe'n myghtern, ‘Hilkia an oferyas re ros dhymmo vy lyver.’ Ena Shafan a'n lennas dhe'n myghtern.

Nehemia 13:1

Y'n jydh na, i a lennas yn-mes a lyver Moyses yn klewans an bobel; hag ynno y feu kevys skrifys na dal entra nevra naneyl Ammonyas na Moabyas a-ji dhe guntelles Duw,

Nehemia 8:18

Ha pub-dydh, a-dhia'n kynsa dydh dhe'n jydh diwettha, ev a lennas yn-mes a lyver lagha Duw. Hag i a withas an goel seyth dydh; ha'n ethves dydh yth esa kuntelles solem, war-lergh an ordenans.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Yeremia 36:13

Ha Mikaya a leveris dhedha oll an geryow re glewsa, pan lennas Baruk an rol-skrifa yn klewans an bobel.

Yeremia 36:15

Hag i a leveris dhodho, ‘Esedh ha'y lenna dhyn.’ Ytho Baruk a's lennas dhedha.

Yeremia 36:21

Ena an myghtern a dhannvonas Yehudi dhe gyrghes an rol-skrifa, hag ev a's kemmeras a-dhiworth chambour Elishama an skrifennyas; ha Yehudi a's lennas dhe'n myghtern hag oll an bennsevigyon sevys ryb an myghtern.

Yeremia 36:6

Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.