2 Myghternedh 21:24 - An Bibel Kernewek 20234 (Kernewek Kemmyn)

²⁴ Mes pobel an pow a ladhas pubonan re vrassa erbynn myghtern Amon, ha pobel an pow a wrug dhe Yosia y vab bos myghtern yn y le.

2 Myghternedh 21:24 ပူးပေါင်းရင်းမြစ်များ

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Myghternedh 12:1

Rehoboam eth dhe Shekem, rag Ysrael oll dhe dhos dhe Shekem dh'y wul myghtern.

1 Myghternedh 12:20

Pan glewas oll Ysrael Yeroboam dhe dhehweles, i a dhannvonas ha'y elwel dhe'n kuntelles ha'y wul myghtern war oll Ysrael. Nyns esa nagonan a holyas chi Davydh, saw unnsel loeth Yuda.

2 Myghternedh 11:17

Yehoyada a wrug kevambos ynter an Arloedh ha'n myghtern ha'n bobel, may fedhens i pobel an Arloedh; hag ev a wrug kevambos ynter an myghtern ha'n bobel ynwedh.

2 Myghternedh 14:21

Hag oll pobel Yuda a gemmeras Azaria, o hwetek bloedh, ha gul dhodho bos myghtern yn le y das Amasia.

2 Myghternedh 14:5

Kettell veu an vyghterneth fastys yn y leuv, ev a ladhas y wesyon re ladhsens an myghtern y das.

2 Myghternedh 21:25

An gweythresow erell a wrug Amon, a nyns yns i skrifys yn lyver kovadhow myghternedh Yuda?

2 Myghternedh 22:1

Eth bloedh o Yosia pan dhallathas reynya, hag ev a reynyas unnek blydhen warn ugens yn Yerusalem. Yedida o hanow y vamm, myrgh Adaya a Boskath.

2 Kroniklys 22:1

Trigoryon Yerusalem a wrug y yowynka mab Ahazia myghtern yn y le; rag an bagas a dheuth gans an Arabyon dhe'n kamp re ladhsa oll an kottha mebyon. Ytho Ahazia mab Yehoram myghtern Yuda a dhallathas reynya.

2 Kroniklys 26:1

Ena oll pobel Yuda a gemmeras Uzzia, o hwetek bloedh, hag a'n gwrug myghtern yn le y das Amasia.

2 Kroniklys 33:25

Mes pobel an tir a ladhas oll an re re vrassa erbynn myghtern Amon; ha pobel an tir a wrug y vab Yosia myghtern yn y le.

Yeremia 1:2

may teuth dhodho ger an Arloedh yn dydhyow Yosia mab Amon myghtern Yuda, yn trydhegves blydhen y reyn.

1 Samuel 11:15

Ytho oll an bobel eth dhe Gilgal, hag ena i a wrug Sowl myghtern a-dherag an Arloedh yn Gilgal. Ena i a sakrifias sakrifisow kres a-dherag an Arloedh, hag ena Sowl hag oll gwer Ysrael a lowenhas yn feur.