2 Myghternedh 21:14 - An Bibel Kernewek 20234 (Kernewek Kemmyn)

¹⁴ My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

2 Myghternedh 21:14 ပူးပေါင်းရင်းမြစ်များ

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:19

Ny withas Yuda ynwedh gorhemmynnow an Arloedh aga Duw, mes i a gerdhas yn ordenansow gwrys gans Ysrael.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Myghternedh 21:13

My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

2 Myghternedh 21:15

drefenn i dhe wul an pyth yw drog y'm golok ha dhe'm provokya dhe sorr, a-dhia'n jydh may teuth aga thasow yn-mes a Ejyp, hwath bys y'n jydh ma.’

2 Myghternedh 23:27

An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Yeremia 12:7

My re asas ow chi, my re skonyas ow ertach; my re ros karadow ow enev yn leuv hy eskerens.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 23:33

Ha pan wovynn orthis an bobel ma, po an profoes, po oferyas, ‘Pyth yw begh an Arloedh?’ ty a lever dhedha, ‘Hwi yw an begh, ha my a wra agas forsakya, yn-medh an Arloedh.’

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 1:5

Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Kynvannow 5:20

Prag y hwre'ta agan ankevi bys vykken, agan forsakya pub dydh oll?

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Amos 5:2

Koedhys yw, ny sev arta, an wyrghes Ysrael; forsakys war hy thir, heb denvyth dh'y dassevel.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”