2 Myghternedh 21:13 - An Bibel Kernewek 20234 (Kernewek Kemmyn)

¹³ My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

2 Myghternedh 21:13 ပူးပေါင်းရင်းမြစ်များ

1 Myghternedh 14:10

Rakhemma my a dhre drog war ji Yeroboam. My a dregh dhiworth Yeroboam neb a bis erbynn fos, ha keth ha rydh yn Ysrael, ha kowlleski chi Yeroboam, par dell leskir kawgh, bys pan vydh gyllys.

2 Myghternedh 10:11

Ytho Yehu a ladhas peub o gesys a ji Ahab yn Yezreel, hag oll y dus veur, ha'y gerens, ha'y oferysi, bys pan ny asas ev dhodho denvyth ow skapya.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 21:14

My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

2 Myghternedh 23:27

An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

2 Myghternedh 9:8

Rag chi dien Ahab a verow; ha my a dregh dhiworth Ahab pub gour, keth po rydh, yn Ysrael.

Ysay 10:22

Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 34:11

An oula kornek ha'n klabytter a's erit, ha'n ibis ha'n vran-vras a drig ynni. Ev a ystynn warnedhi an gordenn a dheray ha'n plemmik a dhistruyans.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Kynvannow 2:8

Ervirys yw an Arloedh dhe dhomhwel fos myrgh Sion; hag ev re ystynnas kordenn-vusura; ny dreylyas y leuv dhiworth distrui ha gul dhe skons ha fos kyni; gyllys gwann yns i war-barth.

Ezekiel 7:5

Yndellma y lever An Arloedh Duw: Anfeusi, unn anfeusi, otta re dheuth!

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.