2 Myghternedh 20:5 - An Bibel Kernewek 20234 (Kernewek Kemmyn)

⁵ ‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

2 Myghternedh 20:5 ပူးပေါင်းရင်းမြစ်များ

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

2 Myghternedh 19:20

Ena Ysay mab Amos a dhannvonas dhe Hezekia, ow leverel, ‘Yndellma y lever an Arloedh, Duw Ysrael: My re glewas dha bysadow dhymm a-dro dhe Sennagherib myghtern Assyria.

2 Myghternedh 20:4

Kyns Ysay dhe vos yn-mes a'n klos kresel, ger an Arloedh a dheuth dhodho:

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

Salmow 107:20

Ev a dhannvonas y er ha'ga sawya, ha'ga delivra dhiworth terroes.

Salmow 119:26

My a dherivas ow fordhow, ha ty a'm gorthybis; dysk dhymm dha ordenansow.

Salmow 126:5

Seul a wonis has yn dagrow a vydh ow mysi yn lowena.

Salmow 147:3

Ev a yaghha an re trogh aga holonn, ha kelmi aga goliow.

Salmow 34:18

Yma an Arloedh ogas dhe'n re trogh aga holonn, hag ev a selow an re keudhesik aga spyrys.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Salmow 56:8

Ty re verkyas ow gwandrans; gorr ow dagrow y'th votell. A nyns yns i skrifys y'th lyver?

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 6:10

Oll ow eskerens a berth meth hag a vydh euthegys; i a dreyl war-dhelergh, hag a berth meth yn tromm.

Salmow 65:2

Ty neb a woslow orth pysadow, dhiso jy y teu pub kig.

Salmow 65:3

Kammweythresow yw re grev ragov; agan kammwriansow ni, ty a's glanha.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Eksodus 3:9

Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Ysay 19:22

An Arloedh a wysk Ejyp gans pla, ow kweskel hag ow sawya. I a dreyl dhe'n Arloedh hag ev a woslow orth aga fysadow, ha'ga sawya.

Ysay 38:22

Ynwedh Hezekia a leveris, ‘Pandr'a vydh an tokyn my dhe yskynna dhe ji an Arloedh?’

Ysay 38:5

‘Ke ha lavar dhe Hezekia, Yndellma y lever an Arloedh, Duw Davydh dha das: My re glewas dha bysadow, my re welas dha dhagrow; awottavy ow keworra dhe'th tydhyow pymthek blydhen.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Matthew 22:32

“My yw Duw Abraham ha Duw Ysak ha Duw Yakob”? Nyns yw ev Duw an re varow saw a'n re vew.’

Luk 1:13

An el a leveris dhodho, ‘Na borth own, Zakaria, rag klewys re beu dha bysadow, ha'th wreg Elisabeth a dhineyth mab dhis, ha ty a'n henow Yowann;

Luk 18:10

‘Dew dhen a yskynnas dhe'n tempel rag pysi, an eyl Farise ha'y gila toller.

Yowann 5:14

Wosa hemma, Yesu a'n kavas y'n tempel, hag a leveris dhodho, ‘Otta, ty yw yaghhes; na wra begha namoy, ma na hwarvo dhis neppyth gweth.’

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Ebrowyon 2:10

Rag yth o gwiw ev, mayth usi pup-tra yn few ragdho ha dredho, ow tri lies mab dhe glori, dhe wul awtour aga selwyans perfydh dre wodhevel.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’