2 Myghternedh 20:20 - An Bibel Kernewek 20234 (Kernewek Kemmyn)

²⁰ Gweythresow erell Hezekia, oll y nerth, fatell wrug ev an poll ha'n dowrbons ha dri dowr a-berth y'n sita, a nyns yns i skrifys yn lyver kovadhow myghternedh Yuda?

2 Myghternedh 20:20 ပူးပေါင်းရင်းမြစ်များ

1 Myghternedh 14:19

Gwriansow erell Yeroboam, fatell werryas ha fatell reynyas, yw skrifys yn lyver kovadhow myghternedh Ysrael.

1 Myghternedh 14:29

Gwriansow erell Rehoboam ha pup-tra a wrug ev, a nyns yns i skrifys yn lyver kovadhow myghternedh Yuda?

1 Myghternedh 15:23

Oll gweythresow erell Asa, oll y nerth, pup-tra a wrug, ha'n sitys a dhrehevis, a nyns yns i skrifys yn lyver kovadhow myghternedh Yuda? Mes yn y gothni ev a'n jevo kleves yn y dhewdroes.

1 Myghternedh 15:7

Gwriansow erell Abiyam, ha pup-tra a wrug, a nyns yns i skrifys yn lyver kovadhow myghternedh Ysrael?

2 Myghternedh 15:26

Gweythresow erell Pekahia, ha pup-tra a wrug, skrifys yns yn lyver kovadhow myghternedh Ysrael.

2 Myghternedh 15:6

Gweythresow erell Azaria, ha pup-tra a wrug, a nyns yns i skrifys yn lyver kovadhow myghternedh Yuda?

2 Myghternedh 16:19

Gweythresow erell Ahaz a wrug, a nyns yns i skrifys yn lyver kovadhow myghternedh Yuda?

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Myghternedh 23:28

Gweythresow erell Yosia, ha pup-tra a wrug, a nyns yns i skrifys yn lyver kovadhow myghternedh Yuda?

2 Myghternedh 8:23

Gweythresow Yehoram erell, ha pup-tra a wrug, a nyns yns i skrifys yn lyver kovadhow myghternedh Yuda?

2 Kroniklys 32:24

Y'n dydhyow na gyllys klav o Hezekia hag ev a veu yn eneworres. Ev a bysis dhe'n Arloedh, hag ev a worthybis dhodho hag a ros dhodho tokyn.

2 Kroniklys 32:3

ev a dewlis towl gans y soedhogyon ha'y gasoryon stoppya an fentynyow esa a-ves dhe'n sita; hag i a'n gweresas.

2 Kroniklys 32:30

An keth Hezekia ma a dhegeas an ughella fenten a dhowrow Gihon ha'ga threylya yn-nans dhe du an howlsedhes dhe sita Davydh. Hezekia a sewenis yn oll y weythresow.

2 Kroniklys 32:32

Gweythresow erell Hezekia, ha'y oberow a dregeredh, yw skrifys yn gwelesigeth an profoes Ysay mab Amos yn Lyver Myghternedh Yuda hag Ysrael.

2 Kroniklys 32:4

I a guntellas lies tus, hag i a stoppyas oll an fentynyow, keffrys ha'n gover a resa der an tir, ow leverel, ‘Prag y to myghternedh Assyria ha kavoes dowr yn palster?’

Nehemia 2:14

Ena my a dremenas dhe Yet an Fenten ha dhe Boll an Myghtern; saw nyns esa tyller rag an best esa yn-dannov dhe bassya dredho.

Nehemia 3:16

War y lergh, Nehemia mab Azbuk, an rewler a hanter ranndir Beth-sur, a wrug ewnheansow bys yn tyller a-dal bedhow Davydh, bys y'n poll gwrys dre leuv ha chi an gasoryon.