2 Myghternedh 20:18 - An Bibel Kernewek 20234 (Kernewek Kemmyn)

¹⁸ Re a'th vebyon dha honan a vydh kemmerys dhe-ves; i a vydh spadhesigyon yn palys myghtern Babylon.’

2 Myghternedh 20:18 ပူးပေါင်းရင်းမြစ်များ

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 24:15

Ev a dhug Yehoyakin dhe-ves yn divroedh dhe Babylon; hag ev a gemmeras yn divroedh ynwedh dhiworth Yerusalem dhe Babylon mamm an myghtern, gwragedh an myghtern, y spadhesigyon, ha gwelhevin an tir.

2 Myghternedh 25:6

I a sesyas an myghtern ha'y dhri dhe vyghtern Babylon yn Ribla, ha breus a veu res warnodho.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Yeremia 20:5

Kekeffrys my a re tresor oll an sita ma, hag oll frut hy lavur, hag oll hy thaklow drudh, ha provians oll myghternedh Yuda – my a's re yn leuv aga eskerens, hag i a's pyll, ha'ga doen dhe Babylon.

Daniel 1:3

Ena an myghtern a worhemmynnis dhe Ashpenaz, penn y spadhesigyon, dhe gyrghes dhodho re a vebyon Ysrael, keffrys a'n teylu ryel ha'n welhevin,

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.