2 Myghternedh 20:12 - An Bibel Kernewek 20234 (Kernewek Kemmyn)

¹² Y'n termyn na myghtern Merodak-baladan mab Baladan a Babylon a dhannvonas kannasow gans lytherow ha ro dhe Hezekia, drefenn ev dhe glewes y vos klav.

2 Myghternedh 20:12 ပူးပေါင်းရင်းမြစ်များ

Jenesis 10:10

Dalleth y wlaskor a veu Babel, hag Erek, hag Akkad, ha Kalne yn pow Shinar.

Jenesis 11:9

Ytho, yth yw hy hanow gelwys Babel, rag an Arloedh dhe gemmyska ena yeth oll an bys, ha'n Arloedh a's skattras alena war enep oll an nor.

2 Samuel 10:2

Ena yn-medh Davydh, ‘My a dhiskwa tregeredh dhe Hanun mab Nahash, kepar dell dhiskwedhas y das tregeredh dhymm.’ Ytho Davydh a dhannvonas dh'y gonfortya dre leuv y wesyon rag y das. Pan dheuth an wesyon dhe diredh an Ammonysi,

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

2 Kroniklys 32:31

Yndella yn kas kannasow ledyoryon Babylon ynwedh, an re a veu dannvenys dhodho rag govynn orto a-dro dhe'n marathus re bia gwrys y'n tir, Duw a'n gasas y honan oll rag y brevi ha rag godhvos oll esa yn y golonn.

Ysay 13:1

Profoesans a-dro dhe Babylon, a wrug Ysay mab Amos y weles.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 14:4

ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!