2 Myghternedh 2:8 - An Bibel Kernewek 20234 (Kernewek Kemmyn)

⁸ Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

2 Myghternedh 2:8 ပူးပေါင်းရင်းမြစ်များ

1 Myghternedh 19:13

Pan y'n klewas Elias, ev a vaylyas y fas yn y vantell ha mos ha sevel yn entrans an vogow. Ena y teuth lev dhodho a leveris, ‘Pandr'a wredh omma Elias?’

1 Myghternedh 19:19

Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

2 Myghternedh 2:14

Ev a gemmeras mantell Elias a goedhsa a-dhiworto ha gweskel an dowr ha leverel, ‘Ple'ma an Arloedh, Duw Elias?’ Pan y'n gweskis. an dowr a veu diberthys dhe'n eyl tenewen ha dh'y gila hag Elisha eth a-dreus.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ebrowyon 11:29

Dre fydh y treussons an Mor Rudh avel dre dhor sygh; mes tus Ejyp, pan hwilsons gul yndellma, y fons lenkys.

Ebrowyon 11:37

Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.

1 Samuel 28:14

Yn-medh ev dhedhi, ‘Pyth yw y semlans?’ Hi a worthybis, ‘Yma gour koth ow tos yn-bann; ev yw maylys yn mantell.’ Yndella Sowl a wodhya y vos Samuel, hag ev a goedhas dhe'n dor gans y fas dhe'n leur, hag omblegya.