2 Myghternedh 2:19 - An Bibel Kernewek 20234 (Kernewek Kemmyn)

¹⁹ Gwer an sita a leveris dhe Elisha, ‘Mir, teg yw desedhans an sita ma, dell wel ow arloedh: mes drog yw an dowr ha difroeth yw an tir.’

2 Myghternedh 2:19 ပူးပေါင်းရင်းမြစ်များ

1 Myghternedh 16:34

Yn y dhydhyow Hiel a Bethel a dhrehevis Yeriko; ev a worras hy selveyn orth kost Abiram y gynsa-genys, ha settya hy yetow yn-bann orth kost y yowynka mab Segub, herwydh ger an Arloedh, a gewsis der Yoshua mab Nun.

1 Myghternedh 18:13

A ny veu leverys dhe'm arloedh an pyth a wrug pan ladhas Yezebel profoesi an Arloedh, fatell gudhis kans profoes a'n Arloedh yn vogow, hanter-kans yn pubonan, ha'ga sostena gans bara ha dowr?

1 Myghternedh 18:7

Pan esa Obadia war an fordh, Elias a dheuth er y bynn; Obadia a'n aswonnis, koedha war y fas, ha leverel, ‘Yw ty, ow arloedh Elias?’

2 Myghternedh 2:18

Ha pan dheuthons arta dhodho, drefenn ev dhe wortos yn Yeriko, ev a leveris dhedha, ‘A ny leveris dhywgh, “Na gewgh”?’

2 Myghternedh 2:20

Ev a leveris, ‘Drewgh dhymm bolla nowydh, ha gorrewgh hoelan ynno.’ Hag i a'n dros dhodho.

Eksodus 15:23

Pan dheuthons bys yn Mara, ny yllens eva dowr Mara, rag y vos trenk; rakhenna y feu gelwys Mara.

Eksodus 23:26

Ny wra travyth kammomdhoen na ny vydh gownagh y'th tir; niver dha dhydhyow my a gollenow.

Eksodus 7:19

An Arloedh a leveris dhe Moyses, ‘Lavar dhe Aron, “Kemmer dha welenn hag ystynn dha dhorn dres dowrow Ejyp, dres aga avonyow, aga dowrgleudhyow, aga follow kors hag oll aga follow dowr, may teffons ha bos goes; hag y fydh goes dre bow Ejyp oll, hag yn lestri a brenn hag yn lestri a ven.” ’

Hosea 9:14

Ro dhedha i, Arloedh! pandr'a redh? Ro dhedha i torr a gyll hy askorr, ha diwvronn sygh.

Niverow 12:11

Hag Aron a leveris dhe Moyses, ‘Ogh, ow arloedh, na wra agan kessydhya drefenn ni dhe wul yn foll ha pegha.

Dewteronomi 28:11

An Arloedh a'th wra dhe seweni yn frut dha gorf, yn frut dha jatel, yn frut dha dir war an tir a dos an Arloedh dhe'th tasow y ri dhis.

1 Timothi 5:17

Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.

Yoshua 6:17

An sita hag oll eus ynni a vydh sakrys dhe'n Arloedh rag distruyans. Mes Rahab an hora hag oll eus gensi yn hy chi a vew, rag hi a gudhas an kannasow a dhannvensyn.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’