2 Myghternedh 2:12 - An Bibel Kernewek 20234 (Kernewek Kemmyn)

¹² Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

2 Myghternedh 2:12 ပူးပေါင်းရင်းမြစ်များ

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 2:13

Ev a guntellas yn-bann mantell Elias a goedhsa a-dhiworto ha dehweles ha sevel ryb glann an Yordan;

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

2 Myghternedh 6:21

Myghtern Ysrael a leveris dhe Elisha pan y's gwelas, ‘Ow thas, a wrav aga ladha? A wrav aga ladha?’

Job 22:30

Ev a dhelirv an gour ankablus, ha ty a vydh delivrys dre lander dha dhiwleuv.’

Lavarow Koth 11:11

Dre vennath an re ewnhynsek sita yw ughelhes, mes domhwelys yw gans ganow an debeles.

Lavarow Koth 30:4

Piw a yskynnas dhe nev hag a dhiyskynnas? Piw a guntellas an gwyns yn palv y dhorn? Piw a vaylyas an dowrow yn dillasenn? Piw a fondyas oll pennow an norvys? Pyth yw y hanow, ha pyth yw hanow y vab? Yn sur, ty a woer!

Ekklesiastes 7:19

Furneth a re nerth dhe dhen fur, moy es deg rewler usi yn sita.

Ysay 37:15

Ha Hezekia a bysis dhe'n Arloedh, ow leverel:

Ysay 37:21

Ena Ysay mab Amos a dhannvonas dhe Hezekia, ow leverel, ‘Yndellma y lever an Arloedh, Duw Ysrael: Rag ty dhe bysi warnav a-dro dhe Sennagherib, myghtern Assyria,

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Luk 2:15

Ena, wosa an eledh dhe dhiberth dhiworta bys yn nev, yth esa an vugeledh ow leverel an eyl dh'y gila, ‘Deun ni lemmyn dhe Bethlehem ha gweles an dra ma yw hwarvedhys, a wrug an Arloedh y dhiskwedhes dhyn.’

Luk 24:51

Ha pan esa orth aga benniga, ev a dhibarthas dhiworta hag y feu degys yn-bann dhe'n nev.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

Oberow 8:2

Gwer gryjyk a ynkleudhyas Stefan ha gul dresto oelva veur.

2 Korinthianys 5:2

Yn hwir, ni a gyn y'n tylda ma, ow yeuni gwiska agan trigva nevek a-dro dhyn;

2 Korinthianys 5:4

Yn tevri, ha ni hwath y'n tylda ma, ni a gyn ha beghys on, drefenn na vynnyn ni diwiska mes gwiska hwath moy, may fo an pyth yw marwel kollenkys gans bewnans.

Efesianys 4:8

Ytho leverys veu, ‘Wosa yskynna yn ughelder, ev a hembronkas prisnoryon, hag a ros rohow dhe dus.’

Diskwedhyans 11:12

Hag i a glewas lev bras dhiworth nev ow leverel dhedha, ‘Dewgh yn-bann omma.’ Hag i a yskynnas dhe nev yn kommolenn; ha'ga eskerens a's gwelas.

Breusysi 17:10

Ena Mika a leveris dhodho, ‘Trig genev, ha bydh dhymmo tas hag oferyas, hag y rov dhiso deg bath a arghans a'n vlydhen, dha dhillas ha'th pygans.’