2 Myghternedh 2:1 - An Bibel Kernewek 20234 (Kernewek Kemmyn)

¹ Pan vynnas an Arloedh kemmeres Elias yn-bann dhe nev gans korwyns, yth eth Elias gans Elisha dhiworth Gilgal.

2 Myghternedh 2:1 ပူးပေါင်းရင်းမြစ်များ

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

2 Myghternedh 1:18

Gweythresow erell Ahazia a wrug, a nyns yns i skrifys y'n lyver kovadhow myghternedh Ysrael?

2 Myghternedh 2:11

Hag y hwarva, hag i ow mos yn-rag ha kewsel, otta, charett a dan ha mergh a dan a's dibarthas an eyl dhiworth y gila, hag Elias eth yn-bann gans korwyns a-berth y'n nev.

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

Job 38:1

Ena an Arloedh a worthybis dhe Job dhiworth an korwyns:

Luk 9:51

Y hwarva, ha'n termyn ow tos pan vedha kemmerys yn-bann, ev a settyas y fas dhe vos dhe Yerusalem.

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Ebrowyon 11:5

Dre fydh Enok a veu ravshys na wella mernans: ha ‘ny veu kevys, rag Duw dh'y gemmeres.’ Rag kyns bos kemmerys, dustuniys veu ‘ev dhe vos plegadow dhe Dhuw.’

Yoshua 4:19

An bobel eth yn-bann dhiworth an Yordan yn degves dydh an kynsa mis, ha kampya yn Gilgal y'n tiredh a'n howldrevel dhe Yeriko;

Yoshua 5:9

An Arloedh a leveris dhe Yoshua, ‘Hedhyw my re rolyas meth Ejyp dhiworthowgh.’ Ytho an tyller na re beu henwys Gilgal bys y'n jydh ma.

Diskwedhyans 11:12

Hag i a glewas lev bras dhiworth nev ow leverel dhedha, ‘Dewgh yn-bann omma.’ Hag i a yskynnas dhe nev yn kommolenn; ha'ga eskerens a's gwelas.