2 Myghternedh 19:4 - An Bibel Kernewek 20234 (Kernewek Kemmyn)

⁴ Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Myghternedh 19:4 ပူးပေါင်းရင်းမြစ်များ

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

2 Myghternedh 18:13

Y'n peswardhegves blydhen a vyghtern Hezekia Sennagherib myghtern Assyria a dheuth erbynn oll an sitys kerys a Yuda, ha'ga hemmeres.

2 Myghternedh 19:16

Pleg dha skovarn yn-nans, A Arloedh, ha klew, igor dha dhewlagas, A Arloedh, ha gwel; klew geryow Sennagherib, re dhannvonas dhe skornya an Duw bew.

2 Myghternedh 19:22

‘Piw a skornsys ha milliga? Piw yth trehevsys dha lev er y bynn ha drehevel dha dhewlagas yn woethus? Erbynn an Sans a Ysrael!

2 Myghternedh 19:23

Dre leuv dha gannasow ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon; My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

2 Myghternedh 19:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

2 Myghternedh 19:30

An remenant gesys a ji Yuda a wreydh war-nans, ha doen frut war-vann;

2 Myghternedh 19:31

rag remenant a yn-mes dhiworth Yerusalem, ha diankoryon dhiworth menydh Sion. Avi Arloedh an luyow a wra hemma.

2 Myghternedh 19:5

Pan dheuth gwesyon myghtern Hezekia dhe Ysay,

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 74:18

Porth kov a hemma, fatell wrug an eskar ges, A Arloedh, ha fatell dhispresyas pobel foll dha hanow.

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Yeremia 23:36

Mes ny venegowgh ‘Begh an Arloedh’ namoy; rag ger pub den a vydh y vegh y honan; rag hwi re gammdreylyas geryow an Duw bew, Arloedh an luyow, agan Duw.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Yeremia 42:9

ha leverel dhedha, ‘Yndellma y lever an Arloedh, Duw Ysrael, dhe neb y'm dannvonsowgh dhe worra agas pledyans a-ragdho:

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.

Romanyon 11:5

Ytho yndella y'n eur ma yma remenant herwydh dewis a ras.

Romanyon 9:27

Hag Ysay a gri yn ughel a-dro dhe Ysrael, ‘Mara pydh niver mebyon Ysrael avel tewes an mor, an remenant a vydh selwys;

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:10

Hag yn-medh an Filistyas, ‘Hedhyw my a dhefi luyow Ysrael; rewgh dhymm gour, may hyllyn omladh war-barth.’

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:45

Mes Davydh a worthybis dhe'n Filistyas, ‘Ty a dheu er ow fynn gans kledha ha gans guw ha gans skoes; mes my a dheu er dha bynn yn hanow Arloedh an luyow, Duw luyow Ysrael, neb re wruss'ta y dhefia.