2 Myghternedh 19:25 - An Bibel Kernewek 20234 (Kernewek Kemmyn)

²⁵ ‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

2 Myghternedh 19:25 ပူးပေါင်းရင်းမြစ်များ

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 54:16

Otta, my yw neb re wrug an gov neb a hwyth an glowbrennyer yn flammow, hag a furv arv wiw rag y borpos; my re greatyas ynwedh an ravner dhe dhistrui.

Mika 1:6

Rakhenna y hwrav a Samaria karnedh y'n gwel, tyller rag plansa gwinbrennyer; ha my a dhinwa hy meyn y'n nans, ha diskudha hy selyow.