2 Myghternedh 19:23 - An Bibel Kernewek 20234 (Kernewek Kemmyn)

²³ Dre leuv dha gannasow ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon; My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

2 Myghternedh 19:23 ပူးပေါင်းရင်းမြစ်များ

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Myghternedh 18:23

Lemmyn ytho, my a'th pys, gwra chyffar gans ow arloedh myghtern Assyria, ha my a re dhis dew vil vargh, mar kyllydh settya marghogyon warnedha.

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Kroniklys 26:10

Ev a dhrehevis touryow y'n gwylvos hag ev a balas lies dowrargh, rag ev a'n jevo greow bras, keffrys y'n Shefela hag y'n plen. Hag ev a'n jevo tiogyon ha gonedhysi gwinlannow y'n vro venydhyek hag y'n tiryow feyth, rag ev a garas an dor.

2 Kroniklys 32:17

Ev a skrifas lytherow ynwedh ow tespitya an Arloedh, Duw Ysrael, ow leverel, ‘Par dell na allas duwow kenedhlow erell delivra aga fobel a'm diwleuv, yndella ny dhelirv Duw Hezekia y bobel a'm leuv.’

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 20:8

Plegys yns dhe'n dor, ha koedhys; mes ni a omdhrehav, ha sevel a'gan sav.

Ysay 10:13

Rag yn-medh ev, ‘Dre nerth ow leuv re'n gwrug vy, ha der ow furneth, rag bos genev konvedhes. My re removas oryon poblow, ha ravna aga thresorvaow, ha dri rewloryon dhe'n dor avel kasor nerthek.

Ysay 10:14

Ow leuv re gavas, avel neyth, rychys an poblow; ha kepar dell guntellir oyow forsakys, yndella my re guntellas oll an norvys; nagonan ny wayas askell na igeri y anow, na gryllya.’

Ysay 10:18

Splannder y goes ha'y dir feyth ev a dhistru, enev ha korf war-barth, kepar dell wra den klav gwastya dhe-ves.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.