2 Myghternedh 19:21 - An Bibel Kernewek 20234 (Kernewek Kemmyn)

²¹ Hemm yw an ger re gewsis an Arloedh er y bynn: Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

2 Myghternedh 19:21 ပူးပေါင်းရင်းမြစ်များ

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Salmow 109:25

My a dheuth ha bos skorn dhedha; pan y'm gwelsons, i a shakyas aga fenn.

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Salmow 44:14

Ty a'gan gwra ensampel yn mysk an kenedhlow, ha gul dhe'n poblow shakya an penn orthyn.

Salmow 9:14

rag may teriffiv oll dha wormola yn porthow myrgh Sion; my a lowenha y'th selwyans.

Ysay 1:8

Myrgh Sion yw gesys avel skovva yn gwinlann, avel krow yn gwel kukumbrow, avel sita yn-dann esedhva.

Ysay 23:10

Tremen dre dha dir avel an Nil, myrgh Tarshish; rag ny'th eus kay byth moy.

Ysay 23:12

Ev a leveris, Ny lowenhydh byth moy, a wyrghes arweskys myrgh Sidon; sav, treus dhe Kyprus; ynwedh ena ny vydh powes dhis.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 18:13

Rakhenna yndellma y lever an Arloedh: Govynnewgh yn mysk an kenedhlow, Piw re glewas traow a'n par ma? An wyrghes Ysrael re wrug tra pur euthyk.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Yeremia 46:11

Ke yn-bann dhe Gilead ha kemmer balsam, A wyrghes, vyrgh Ejyp! Yn euver ty a wra devnydh a'th vedhegnethow; ny'gas beus yaghheans.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Kynvannow 2:15

Oll an dremenysi a dak aga diwla orthis; i a hwiban ha shakya aga fenn orth myrgh Yerusalem; ‘Yw homma an sita a veu henwys perfydh yn tekter, ha lowena oll an nor?’

Kynvannow 4:21

Lowenha ha bydh heudhik, A vyrgh Edom, neb a drig yn pow Us, ynwedh dhiso jy tremena a wra an hanaf. Medhwys vydhydh, ha ty a lommha dha honan.

Amos 5:2

Koedhys yw, ny sev arta, an wyrghes Ysrael; forsakys war hy thir, heb denvyth dh'y dassevel.

Mika 4:8

Ha ty, A dour an para, an bre a vyrgh Sion, dhiso jy y teu: y teu dhis an henvestrynses, ruvaneth myrgh Yerusalem.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 27:39

Ha'n dremenysi a'n kablas, ow shakya aga fenn,