2 Myghternedh 19:19 - An Bibel Kernewek 20234 (Kernewek Kemmyn)

¹⁹ Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

2 Myghternedh 19:19 ပူးပေါင်းရင်းမြစ်များ

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

1 Myghternedh 8:42

– rag i dhe glewes a'th hanow meur, a'th leuv grev, ha'th vregh ystynnys – pan dheu estren ha pysi war-tu ha'n chi ma,

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

1 Myghternedh 8:60

may hwodhvo poblow an bys bos an Arloedh Duw; nyns eus nahen.

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

1 Kroniklys 16:8

Grassewgh dhe'n Arloedh, gelwewgh war y hanow, derivewgh y wriansow yn mysk an poblow.

2 Kroniklys 32:1

War-lergh an traow ma ha'n gweythresow a lelduri, Sennagherib myghtern Assyria a dheuth hag omsettya orth Yuda, hag ev a gampyas erbynn an sitys kerys, ow tybi y's synsi ragdho y honan.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’