2 Myghternedh 19:15 - An Bibel Kernewek 20234 (Kernewek Kemmyn)

¹⁵ Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Myghternedh 19:15 ပူးပေါင်းရင်းမြစ်များ

Jenesis 1:1

Y'n dalleth Duw a formyas an nev ha'n nor.

Jenesis 2:4

Hemm yw istori an nevow ha'n nor pan vons i formys y'n jydh may hwrug an Arloedh Duw an nor ha'n nevow.

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Jenesis 33:20

Hag ev a dhrehevis ena alter, ha'y elwel El-elohe-ysrael.

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

1 Kroniklys 13:6

Davydh hag oll Ysrael eth yn-bann dhe Baala, henn yw, dhe Kiryath-yearim yn tiredh Yuda, dhe dhri yn-bann alena argh Duw, yw henwys re hanow an Arloedh neb a esedh war an cherubim.

1 Kroniklys 4:10

Yabes a elwis war Dhuw Ysrael, ow leverel, ‘Unnweyth a kwrelles ow benniga ha moghhe ow oryon, hag a pe dha leuv genev ha'm gwitha dhiworth drog, may fen heb payn.’ Ha Duw a wrontyas an pyth a wovynnas.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Salmow 102:25

Wostalleth y selsys an nor, ha'n nevow yw ober dha dhiwleuv.

Salmow 102:26

I a dhe goll, mes ty a sev; i a gothha avel kweth. Avel dillas ty a's treyl hag i a dremen;

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 33:9

Rag ev a gewsis, hag yndella y feu gwrys; ev a worhemmynnis ha pup-tra a sevis yn fast.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 80:2

A-dherag Efraym ha Benyamin ha Manasse, difun dha nerth, ha deus dh'agan selwel.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Ysay 37:14

Hezekia a gemmeras an lyther a leuv an kannasow, ha'y redya. Ena Hezekia eth yn-bann dhe ji an Arloedh ha'y lesa a-dherag an Arloedh.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.