2 Myghternedh 19:1 - An Bibel Kernewek 20234 (Kernewek Kemmyn)

¹ Pan glewas myghtern Hezekia hemma, ev a skwardyas y dhillas, omgwetha yn yskar, ha dos yn chi an Arloedh.

2 Myghternedh 19:1 ပူးပေါင်းရင်းမြစ်များ

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

1 Myghternedh 21:27

Pan glewas Ahab an geryow na, ev a skwardyas y dhillas ha gorra saghlenn war y gig noeth; ev a wrug penys, growedha y'n saghlenn, ha mos a-dro yn foredhek.

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 18:37

Ena Elyakim mab Hilkia, governour an palys, ha Shebna an pennskrifennyas, ha Yoagh mab Asaf, an kovadhor, a dheuth dhe Hezekia, skwardys aga dillas ha derivas dhodho geryow an Rabshake.

2 Myghternedh 5:7

Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

2 Myghternedh 6:30

Pan glewas an myghtern geryow an venyn, ev a skwardyas y dhillas. Pan esa ow tremena war an fos, an bobel a viras, hag otta, ev a'n jevo yskar a-bervedh nessa dh'y groghen.

Ezra 9:3

Ha pan glewis vy an dra ma, my a skwardyas ow dillas ha'm mantell, ha tenna yn-mes blew ow fenn hag ow barv, hag esedha dyegrys.

Salmow 35:13

Pan ens i klav, my a omwiskas yn yskar, hag uvelhe ow enev gans penys, ha'm pysadow a dhehwelis heb gorthyp.

Ysay 37:37

Ena Sennagherib myghtern Assyria a omdennas, mos tre ha triga yn Nineve.

Yeremia 36:24

Mes ny's teva own na ny fregsons aga dillas, naneyl an myghtern, na'y servysi neb a glewas oll an geryow ma.

Yona 3:5

Ytho gwer Nineve a grysis yn Duw, hag ordena penys, hag omgwetha gans yskar, bras ha byghan.

Yona 3:8

mes bedhes den ha best kudhys gans yskar, ha kriens yn ter war Dhuw; ha treylya peub dhiworth y fordh dhrog, ha dhiworth an garowder usi yn aga diwla.

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Matthew 26:65

Ena an arghoferyas a skwardyas y dhillas ow leverel, ‘Ev re wrug blasfemi, py edhomm eus dhyn a voy a dhustunioryon? Otta, hwi re glewas an blasfemi.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

1 Samuel 4:12

Gour a Benyamin a boenyas mes a'n linenn vatel, ha dos dhe Shilo an keth jydh, gans y dhillas skwardys ha gans dor war y benn.