2 Myghternedh 18:7 - An Bibel Kernewek 20234 (Kernewek Kemmyn)

⁷ Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

2 Myghternedh 18:7 ပူးပေါင်းရင်းမြစ်များ

Jenesis 21:22

Hag y'n termyn na, Abimelek, ha Fikol pennhembrenkyas y lu, a leveris dhe Abraham, ‘Yma Duw genes yn pup-tra a wre'ta.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

2 Myghternedh 16:7

Ahaz a dhannvonas kannasow dhe Tiglath-pileser myghtern Assyria, ow leverel, ‘Dha was ha dha vab ov. Deus yn-bann ha saw vy dhiworth leuv myghtern Aram ha dhiworth leuv myghtern Ysrael a omsett er ow fynn.’

2 Myghternedh 17:3

Shalmaneser myghtern Assyria a dheuth yn-bann er y bynn; Hoshea re bia y omajer ha re rosa trubyt dhodho.

2 Myghternedh 18:14

Hezekia myghtern Yuda a dhannvonas messaj dhe vyghtern Assyria yn Lakish ow leverel, ‘My re gammwrug; kildennewgh dhiworthiv; pypynag a veghyewgh warnav, my a wra y berthi.’ Myghtern Assyria a wovynnas dhiworth Hezekia myghtern Yuda tri hans talent a arghans ha deg talent warn ugens a owr.

2 Myghternedh 18:20

A grysydh bos geryow an dhiwweus kusul ha nerth rag bresel? Piw a fydhydh ynno lemmyn ha ty ow rebellya er ow fynn?

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 31:21

Pub ober a omgemmeras ev yn servis chi Duw, ha herwydh an lagha ha'n gorhemmynn, ow hwilas y Dhuw, ev a'n gwrug gans kolonn leun, hag ev a sewenis.

2 Kroniklys 32:30

An keth Hezekia ma a dhegeas an ughella fenten a dhowrow Gihon ha'ga threylya yn-nans dhe du an howlsedhes dhe sita Davydh. Hezekia a sewenis yn oll y weythresow.

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 60:12

Dre Dhuw y hwren ni obereth meur; ev yw neb a drett agan eskerens dhe'n dor.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 36:5

Ty a lever bos genes kusul ha galloes rag an gas, mes nyns yw marnas geryow gwag. Lemmyn yn piw y fydhydh, ha ty ow rebellya er ow fynn?

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Breusysi 1:19

Yth esa an Arloedh gans Yuda, hag ev a gemmeras an vro venydhyek; mes ny allas chasya dhe-ves trigoryon an plen drefenn bos dhedha charettow a horn.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 18:5

Davydh eth yn-mes hag yn pub le ma'n dannvonas Sowl, ev a sewenis; rakhemma, Sowl a'n settyas war an lu. Ha hemm o da yn golok an bobel oll, hag ynwedh yn golok gwesyon Sowl.