2 Myghternedh 18:4 - An Bibel Kernewek 20234 (Kernewek Kemmyn)

⁴ Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 18:4 ပူးပေါင်းရင်းမြစ်များ

1 Myghternedh 22:43

Ev a gerdhas yn fordh y das Asa; ny dreylyas a-denewen anedhi, ow kul an pyth o ewn yn golok an Arloedh; mes ny veu kemmerys dhe-ves an tylleryow ughel, ha'n bobel a besyas sakrifia hwath ha leski offrynnow y'n tylleryow ughel.

2 Myghternedh 10:26

I a gemmeras yn-mes an peulven esa yn tempel Baal ha'y leski.

2 Myghternedh 11:18

Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

2 Myghternedh 12:3

Mes ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel.

2 Myghternedh 14:4

Ny veu an tylleryow ughel kemmerys dhe-ves: an bobel a besyas sakrifia ha leski offrynnow war an tylleryow ughel.

2 Myghternedh 15:35

Byttegyns ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel. Ev a dhrehevis yet wartha chi an Arloedh.

2 Myghternedh 15:4

Byttegyns ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel.

2 Myghternedh 16:15

Myghtern Ahaz a worhemmynnis dhe Uria an oferyas, ow leverel, ‘War an alter veur losk offrynn leskys an myttin, hag offrynn greun an gorthugher, hag offrynn leskys an myghtern, ha'y offrynn greun, gans offrynn leskys oll pobel an pow, aga offrynn greun, ha'ga offrynn diwes; ena skoell warnedhi oll an goes dhiworth an offrynnow leskys, hag oll an goes dhiworth an sakrifisow; mes an alter a vrons a vydh dhymmo vy rag ow devnydh ow honan.’

2 Myghternedh 18:22

Mes mar leverydh dhymm, “Ni a fydh y'n Arloedh agan Duw”, a nyns yw ev may kemmeras dhe-ves Hezekia y dylleryow ughel ha'y alteryow, ow leverel dhe Yuda ha dhe Yerusalem, “Hwi a wordhyowgh a-dherag an alter ma yn Yerusalem”?

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

2 Kroniklys 33:3

Rag ev a dhastrehevis an tylleryow ughel re beu tennys yn-nans gans y das Hezekia, hag ev a dhrehevis alteryow dhe'n Baalim, hag a wrug Asherim. Ev a wordhyas oll lu an nev, ha'ga servya.

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Eksodus 23:24

Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Ysay 36:7

Ha mar leverydh dhymm, “Ni a fydh y'n Arloedh agan Duw”, a nyns yw ev neb a wrug Hezekia kemmeres yn-mes y dylleryow ughel ha'y alteryow, ow leverel dhe Yuda ha Yerusalem, “Hwi a wordh a-rag an alter ma”?

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Dewteronomi 5:5

Yth esen vy ow sevel ynter an Arloedh ha hwi y'n tor' na dhe dherivas dhywgh ger an Arloedh; rag hwi a gemmeras own a'n tan, ha ny yskynnsowgh dhe'n menydh. Ev a leveris,

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.

Breusysi 6:25

An nos na an Arloedh a leveris dhodho, ‘Kemmer tarow dha das, an nessa tarow seyth bloedh y oes, ha tenna dhe'n dor alter Baal yw dhe'th tas, ha trogh yn-nans an Ashera usi rybdho,

Breusysi 6:28

Pan sevis gwer an dre yn-bann ternos a-varr, otta, alter Baal o tennys yn-nans, ha'n Ashera rybdhi o treghys dhe'n dor, ha'n nessa tarow a veu offrynnys war an alter re bia drehevys.