2 Myghternedh 18:27 - An Bibel Kernewek 20234 (Kernewek Kemmyn)

²⁷ Mes an Rabshake a leveris dhedha, ‘A wrug ow mester ow dannvon dhe gewsel an geryow ma dhe'th vester ha dhis? A ny'm dannvonas dhe'n wer a esedh war an fos, tenkys dhe dhybri aga hawgh aga honan hag eva aga urin aga honan?’

2 Myghternedh 18:27 ပူးပေါင်းရင်းမြစ်များ

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Myghternedh 18:26

Ena Elyakim mab Hilkia, ha Shebna, ha Yoagh a leveris dhe'n Rabshake, ‘Kows dh'agas gwesyon y'n yeth Aramaek, mar pleg, drefenn ni dh'y honvedhes; na gews dhyn yn yeth Yuda yn klewans an bobel war an fos.’

2 Myghternedh 18:28

Ena an Rabshake a sevis ha kria, ughel y lev, yn yeth Yuda, ‘Klewewgh ger an myghtern meur, myghtern Assyria!

2 Myghternedh 6:25

Yth esa divoetter bras yn Samaria hag yth esens ow kul an esedhva warnedhi bys may feu penn asen gwerthys a beswar-ugens bath a arghans, ha kwarter kab a gawgh kelemmi a bymp bath a arghans.

Salmow 73:8

I a wra ges, ha kewsel yn spitus; i a wodros arwask, ughel aga fenn.

Ysay 36:12

Mes yn-medh an Rabshake, ‘A wrug ow arloedh ow dannvon dhe gewsel an geryow ma dhe'th arloedh ha dhiso jy, a-der dhe'n wer usi owth esedha war an fos, yw destnys genowgh hwi dhe dhybri aga hawgh hag eva aga urin?’

Kynvannow 4:4

Taves an baban ow tena a len orth y stevnik gans syghes, fleghigyow a bys bara, nyns eus neb a'n re dhedha.

Kynvannow 4:5

Myns a'n jevo sandow denti seuladhydh a dhe goll y'n stretys, myns a veu meythrys war goghlin a len orth teylegi.

Ezekiel 4:13

Ena an Arloedh a leveris, ‘Yndella y tebrons mebyon Ysrael aga bara avlan y'n kenedhlow ma's skattrav di.’

Ezekiel 4:15

Ena ev a leveris dhymm, ‘Mir, my a re dhis glos yn le kawgh denel, ha ty a wra dha vara warnodho.’