2 Myghternedh 18:26 - An Bibel Kernewek 20234 (Kernewek Kemmyn)

²⁶ Ena Elyakim mab Hilkia, ha Shebna, ha Yoagh a leveris dhe'n Rabshake, ‘Kows dh'agas gwesyon y'n yeth Aramaek, mar pleg, drefenn ni dh'y honvedhes; na gews dhyn yn yeth Yuda yn klewans an bobel war an fos.’

2 Myghternedh 18:26 ပူးပေါင်းရင်းမြစ်များ

2 Myghternedh 18:18

Pan alwsons dhe'n myghtern y teuth yn-mes dhedha Elyakim mab Hilkia, governour an palys, ha Shebna an pennskrifennyas, ha Yoagh mab Asaf an kovadhor.

2 Myghternedh 18:25

Yn tevri, a dheuth vy erbynn an tyller ma heb bodh an Arloedh rag y dhistrui? An Arloedh a leveris dhymm, Ke erbynn an pow ma ha'y dhistrui.’

2 Myghternedh 18:27

Mes an Rabshake a leveris dhedha, ‘A wrug ow mester ow dannvon dhe gewsel an geryow ma dhe'th vester ha dhis? A ny'm dannvonas dhe'n wer a esedh war an fos, tenkys dhe dhybri aga hawgh aga honan hag eva aga urin aga honan?’

2 Myghternedh 18:37

Ena Elyakim mab Hilkia, governour an palys, ha Shebna an pennskrifennyas, ha Yoagh mab Asaf, an kovadhor, a dheuth dhe Hezekia, skwardys aga dillas ha derivas dhodho geryow an Rabshake.

Ezra 4:7

Hag yn dydhyow Artakserkses, Bishlam, Mithredath, Tabeel ha'ga heskowetha erell a skrifas dhe Artakserkses myghtern Persia; an lyther o skrifys yn skrif aramaek, hag y'n yeth aramaek.

Ysay 22:15

Yndellma y lever an Arloedh, Duw an luyow: Ke, deus dhe'n menystrer ma, Shebna, governour an palys, ha lavar:

Daniel 2:4

Ena an Kaldeanys a leveris dhe'n myghtern yn Aramaek: ‘A vyghtern, re vewi bys vykken! Gwra derivas an hunros dhe'th servysi, ha ni a dhiskwedh hy styr.’