2 Myghternedh 18:22 - An Bibel Kernewek 20234 (Kernewek Kemmyn)

²² Mes mar leverydh dhymm, “Ni a fydh y'n Arloedh agan Duw”, a nyns yw ev may kemmeras dhe-ves Hezekia y dylleryow ughel ha'y alteryow, ow leverel dhe Yuda ha dhe Yerusalem, “Hwi a wordhyowgh a-dherag an alter ma yn Yerusalem”?

2 Myghternedh 18:22 ပူးပေါင်းရင်းမြစ်များ

2 Myghternedh 18:23

Lemmyn ytho, my a'th pys, gwra chyffar gans ow arloedh myghtern Assyria, ha my a re dhis dew vil vargh, mar kyllydh settya marghogyon warnedha.

2 Myghternedh 19:6

Ysay a leveris dhedha, ‘Yndella y hwrewgh leverel dh'agas mester, “Yndellma y lever an Arloedh: Na berthewgh own a'n geryow re glewsowgh, ma'm milligas gansa gwesyon myghtern Assyria.

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

2 Kroniklys 32:12

A ny gemmeras Hezekia y honan dhe-ves y dylleryow ughel ha'y alteryow, hag a worhemmynnis dhe Yuda ha Yerusalem, ow leverel, “A-rag unn alter hwi a wra gordhya, ha warnedhi hwi a lesk offrynnow”?

Ysay 36:7

Ha mar leverydh dhymm, “Ni a fydh y'n Arloedh agan Duw”, a nyns yw ev neb a wrug Hezekia kemmeres yn-mes y dylleryow ughel ha'y alteryow, ow leverel dhe Yuda ha Yerusalem, “Hwi a wordh a-rag an alter ma”?

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

1 Korinthianys 2:15

An den spyrysel a vreus pup-tra mes ev y honan nyns yw gorrys yn-dann vreus denvyth:

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:14

Unnsel y'n tyller a dhewis an Arloedh yn onan a'th loethow, ena ty a offrynn dha offrynnow leskys. Ena ty a wra pup-tra esov orth y worhemmynna dhis.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.