2 Myghternedh 18:12 - An Bibel Kernewek 20234 (Kernewek Kemmyn)

¹² drefenn na woslowsons lev an Arloedh aga Duw, mes i a gammdremenas erbynn y gevambos, ha pup-tra a worhemmynnis Moyses, gwas an Arloedh; ny woslowsons ha ny obaysons.

2 Myghternedh 18:12 ပူးပေါင်းရင်းမြစ်များ

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

2 Timothi 2:24

Ny goedh dhe was an Arloedh kedrynna, mes bos kuv orth pub den, yn dyskador da, meur y berthyans,

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Yeremia 3:8

Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Salmow 107:17

Re anedha o klav drefenn aga threuspass, ha drefenn aga hammweyth yth ens i pystigys.

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

1 Myghternedh 9:6

‘Mar treylyowgh dhiworthiv, hwi po agas mebyon, ha mar ny withowgh ow gorhemmynnow ha'm ordenansow re settis a-ragowgh, mes mos ha servya duwow erell ha'ga gordhya,

Yoshua 1:1

Lemmyn wosa mernans Moyses gwas an Arloedh, an Arloedh a gewsis dhe Yoshua mab Nun, menyster Moyses, ow leverel,

Dewteronomi 34:5

Ytho Moyses, gwas an Arloedh a verwis ena yn pow Moab herwydh lavar an Arloedh.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 11:28

an volleth mar ny woslewowgh gorhemmynnow an Arloedh agas Duw, ha treylya dhiworth an fordh esov orth hy gorhemmynna dhywgh hedhyw, ow kerdhes war-lergh duwow erell na's aswonnsowgh.

Dewteronomi 8:20

Kepar ha'n kenedhlow usi an Arloedh orth aga distrui a-ragowgh, yndella y fydhowgh distruys, drefenn na woslewsowgh dhe lev an Arloedh agas Duw.

Niverow 12:7

Nansi gans ow gwas Moyses; ev yw len yn oll ow chi.

2 Myghternedh 21:8

Ny wrav vy arta diannedhi treys Ysrael yn-mes a'n wlas a res dh'aga thasow, mar kwaytyons gul herwydh pup-tra re worhemmynnis dhedha, ha herwydh oll an lagha a worhemmynnis ow gwas Moyses dhedha.’

Salmow 78:10

Ny synsons kevambos Duw, mes i a skonyas a gerdhes yn y lagha ev;

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Salmow 81:12

Ytho my a's gasas dh'aga holonn worth, dhe gerdhes herwydh aga husulyow aga honan.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.