2 Myghternedh 17:7 - An Bibel Kernewek 20234 (Kernewek Kemmyn)

⁷ Hemma a hwarva drefenn fleghes Ysrael dhe begha erbynn an Arloedh aga Duw, re'ga drosa yn-bann dhiworth pow Ejyp, dhiworth leuv Faro myghtern Ejyp, hag i re borthsa own a duwow erell

2 Myghternedh 17:7 ပူးပေါင်းရင်းမြစ်များ

1 Myghternedh 11:4

Rag pan o Solomon koth y wragedh a dreylyas dhe-ves y golonn war-lergh duwow erell; ha nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 15:3

Ev a gerdhas yn oll an peghosow re wrussa y das kyns; nyns o y golonn perfydh gans an Arloedh y Dhuw, par dell o kolonn y das Davydh.

2 Myghternedh 16:2

Ugens bloedh o Ahaz pan dhallathas reynya, hag ev a reynyas hwetek blydhen yn Yerusalem, ha ny wre an pyth o ewn yn golok an Arloedh y Dhuw, kepar ha Davydh y das.

2 Myghternedh 17:35

An Arloedh a wrug kevambos gansa ha'ga gorhemmynna, ow leverel, ‘Ny wordhyowgh duwow erell na omblegya dhedha na'ga servya na sakrifia dhedha,

1 Kroniklys 5:25

Byttegyns i a gammdremenas erbynn Duw aga thasow ha horya war-lergh duwow poblow an tiredh, re bia distruys gans Duw a-dheragdha.

2 Kroniklys 36:5

Yehoyakim o pymp bloedh warn ugens pan dhallathas reynya, hag ev a reynyas unnek blydhen yn Yerusalem. Ev a wrug an pyth o drog yn golok an Arloedh y Dhuw.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Salmow 78:12

Taklow marthys a wrug ev yn golok agan tasow yn pow Ejyp, yn gwel Soan.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Ysay 57:5

Hwi a lesk gans lust yn mysk an derow, yn-dann bub gwydhenn las; ow ladha an fleghes y'n nansow, yn-dann savnow an karregi.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Ezekiel 39:24

My a's dyghtyas herwydh aga avlander ha herwydh aga hammweythresow, ha my a gudhas ow fas dhiworta.

Hosea 12:14

Efraym re'n sorras yn hwerow; rakhenna y Arloedh a wra gasa warnodho y gabel-goes, ha daskorr dhodho y geredh.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Breusysi 6:10

ha my a leveris dhywgh hwi, “An Arloedh agas Duw yth ov; na wordhyowgh duwow an Amorysi mayth esowgh trigys yn aga thir.” Mes ny woslewsowgh dhe'm lev.’