2 Myghternedh 17:6 - An Bibel Kernewek 20234 (Kernewek Kemmyn)

⁶ Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 17:6 ပူးပေါင်းရင်းမြစ်များ

Jenesis 10:2

Mebyon Yafeth: Gomer, Magog, Maday, Yavan, Tubal, Meshek ha Tiras.

1 Myghternedh 8:46

‘Mar peghons er dha bynn – rag nyns eus nagonan na begh – ha ty yw serrys gansa ha's redh dhe eskar, mayth ons degys dhe-ves yn kethneth dhe dir an eskar, pell po ogas;

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 18:34

Ple'ma duwow Hamath hag Arpad? Ple'ma duwow Sefarvaym, Hena hag Ivva? A dhelivrsons Samaria mes a'm leuv?

2 Myghternedh 19:12

A wrug duwow an kenedhlow aga delivra, an kenedhlow a wrug ow thasow aga distrui, Gozan, Haran, Resef, ha mebyon Eden esa yn Telassar?

2 Myghternedh 21:13

My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

1 Kroniklys 5:22

Lies a goedhas ledhys drefenn an vresel dhe vos a Dhuw. Hag yth esens trigys yn aga thiredh bys an divroedh.

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

Ezra 6:2

Hag y feu kevys yn Ekbatana, yn kastell usi yn rannvro an Medys, rol-skrifa, hag y feu skrifys ynni yndellma: ‘Kovskrifenn:

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Ysay 10:9

A nyns yw Kalno avel Karkemish? A nyns yw Hamath avel Arpad? A nyns yw Samaria avel Damaskus?

Ysay 13:17

Otta, my a dhifun an Medys er aga fynn, na wrons vri a arghans, ha ny hwansons owr.

Ysay 17:4

Y'n jydh na glori Yakob a vydh tanowhes, ha blonek y gig a vydh lehes.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 36:17

bys pan dhov ha'gas kemmeres yn-mes dhe dir haval dh'agas tir agas honan, tir a ys ha gwin nowydh, tir a vara ha gwinlannow.

Ysay 36:19

Ple'ma duwow Hamath hag Arpad? Ple'ma duwow Sefarvaym? A dhelirvsons Samaria yn-mes a'm leuv?

Ysay 37:18

Gwir yw, Arloedh, myghternedh Assyria dhe dhistrui oll an kenedhlow ha'ga thiryow,

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Daniel 5:28

peres, dha ruvaneth yw rynnys ha res dhe'n Medys ha dhe'n Persianys.’

Hosea 1:4

An Arloedh a leveris dhodho, ‘Hanw e Yezreel, rag hwath pols byghan kessydhya a wrav chi Yehu drefenn ladhva Yezreel, ha gorra diwedh dhe vyghterneth chi Ysrael.

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Hosea 13:16

Samaria a vydh kessydhys, rag hi a rebellyas erbynn hy Duw. I a goedh der an kledha; aga fleghesigow a vydh terrys dhe demmyn, ha'ga benynes veghyek a vydh skwardys igor.

Hosea 8:8

Ysrael yw kollenkys; lemmyn yth yns i yn mysk an kenedhlow kepar ha lester diles.

Hosea 9:3

Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Levitikus 26:38

Hag yth ewgh dhe goll yn mysk an kenedhlow, ha tir agas eskerens a wra agas kollenki.

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 30:18

my a dhiskler dhywgh hedhyw y fydhowgh kellys glan; ny vydhowgh trigys dydhyow hir war an tir mayth esos ow tremena dres an Yordan dhe vos di dh'y erita.