2 Myghternedh 17:37 - An Bibel Kernewek 20234 (Kernewek Kemmyn)

³⁷ Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

2 Myghternedh 17:37 ပူးပေါင်းရင်းမြစ်များ

2 Myghternedh 17:38

Ny wrewgh ankevi an kevambos a wrug vy genowgh. Ny wordhyowgh duwow erell,

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

Levitikus 19:37

Ytho, hwi a syns oll ow ordenansow, hag oll ow breusow, ha'ga gul. An Arloedh ov vy.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 31:11

pan dheu oll Ysrael dhe omdhiskwedhes a-rag an Arloedh dha Dhuw y'n tyller a dhewis, ty a lenn an lagha ma a-rag oll Ysrael yn aga klewans.

Dewteronomi 31:9

Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:31

Mes ty sav omma genev, may kowsav orthis oll an gorhemmynn, ha'n ordenansow ha'n breusow a dhyskydh dhedha, ma's kwrellons y'n tir a rov dhedha dh'y erita.’

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Breusysi 6:10

ha my a leveris dhywgh hwi, “An Arloedh agas Duw yth ov; na wordhyowgh duwow an Amorysi mayth esowgh trigys yn aga thir.” Mes ny woslewsowgh dhe'm lev.’