2 Myghternedh 17:31 - An Bibel Kernewek 20234 (Kernewek Kemmyn)

³¹ an Avviysi a wrug Nibhaz ha Tartak, ha'n Sefarvysi a leski aga fleghes yn tan dhe Adrammelek hag Anammelek, duwow Sefarvaym.

2 Myghternedh 17:31 ပူးပေါင်းရင်းမြစ်များ

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 19:37

Hag y hwarva, pan esa ow kordhya yn chi y dhuw Nisrok, y vebyon Adrammelek ha Shareser a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Ezra 4:9

Ena Rehum an chansler, ha Shimshay an skrifwas, ha'ga heskowetha erell – an vreusysi, an wovernours, an soedhogyon, an Persianys, tus a Erek, Babylon, Shushan, henn yw an Elamysi,

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Dewteronomi 12:28

Gwayt obaya oll an geryow ma esov orth dha worhemmynna rag may fo yn ta dhis ha dhe'th vebyon war dha lergh bys vykken, pan wredh an pyth yw mas hag ewn a-wel dhe'n Arloedh dha Dhuw.

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.