2 Myghternedh 17:13 - An Bibel Kernewek 20234 (Kernewek Kemmyn)

¹³ Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Myghternedh 17:13 ပူးပေါင်းရင်းမြစ်များ

1 Myghternedh 16:1

Ger an Arloedh a dheuth dhe Yehu mab Hanani erbynn Baasha, ow leverel.

1 Myghternedh 16:7

Ger an Arloedh a dheuth ynwedh dre leuv an profoes Yehu mab Hanani erbynn Baasha ha'y ji, ha drefenn oll an drog a wrug yn golok an Arloedh, orth y brovokya dhe sorr gans ober y dhiwleuv, ow pos haval dhe ji Yeroboam, hag ynwedh drefenn ev dh'y dhistrui.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 18:6

Rag ev a lenas orth an Arloedh ha ny dreylyas dhiworth y siwya, mes ev a withas an gorhemmynnow a ros an Arloedh dhe Moyses.

2 Myghternedh 21:10

An Arloedh a leveris der y wesyon an brofoesi,

1 Kroniklys 29:29

Lemmyn gweythresow Davydh an myghtern, a dhalleth y reyn bys y'n diwedh, skrifys yns yn kovadhow Samuel an gwelesydh, hag yn kovadhow Nathan an profoes, hag yn kovadhow Gad an gwelesydh,

Job 11:14

mar korrydh pell dhe-ves an anewnder usi y'th leuv, ha na esydh kammhynseth dhe driga y'th tyldow,

Job 36:10

Ev a iger aga diwskovarn dhe dhyskans, ha gorhemmynn dhedha dehweles dhiworth drog.

Salmow 50:7

Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

Yeremia 11:7

Rag my a warnyas aga thasow yn solem y'n jydh ma's dres yn-mes a bow Ejyp, bys y'n jydh ma, ow sevel a-varr ha'ga gwarnya yn ter, ow leverel, Goslowewgh orth ow lev.

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 3:7

Ha my a leveris, ‘Wosa hi dhe wul oll an traow ma, Martesen hi a dhehwel dhymm’; mes ny dhehwelis hi. Ha'y hwoer draytus Yuda a'n gwelas.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 42:19

An Arloedh re leveris dhywgh, hwi remenant Yuda, Nag ewgh dhe Ejyp. Godhvydhewgh my dh'agas gwarnya hedhyw

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 3:19

Mes mar kwarnydh an tebelwas, ha ny dreyl dhiworth y sherewynsi ha'y fordh dhrog, ev a verow yn y anewnder, mes ty a dhelirv dha enev.

Daniel 9:10

ha fyllel dhe woslowes orth lev an Arloedh agan Duw, dhe gerdhes yn y laghys hag a worras dheragon dre leuv y servysi an brofoesi.

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 12:10

My re gewsis dre'n brofoesi, ha my re ros gwelesigethow pals; ha dre leuv an brofoesi my re gewsis yn parabolennow.

Hosea 12:11

Eus droktra yn Gilead? Yn hwir yth yns i koegyon! A sakrifions terewi yn Gilgal? Aga alteryow ynwedh a vydh avel kals meyn war fynnglow an gwel.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.

Breusysi 6:10

ha my a leveris dhywgh hwi, “An Arloedh agas Duw yth ov; na wordhyowgh duwow an Amorysi mayth esowgh trigys yn aga thir.” Mes ny woslewsowgh dhe'm lev.’

Breusysi 6:8

an Arloedh a dhannvonas profoes dhe vebyon Ysrael; hag ev a leveris dhedha, ‘Yndellma y lever an Arloedh, Duw Ysrael: My a'gas dros yn-bann yn-mes a Ejyp, ha'gas dri yn-mes a'n chi a gethneth;

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)