2 Myghternedh 16:7 - An Bibel Kernewek 20234 (Kernewek Kemmyn)

⁷ Ahaz a dhannvonas kannasow dhe Tiglath-pileser myghtern Assyria, ow leverel, ‘Dha was ha dha vab ov. Deus yn-bann ha saw vy dhiworth leuv myghtern Aram ha dhiworth leuv myghtern Ysrael a omsett er ow fynn.’

2 Myghternedh 16:7 ပူးပေါင်းရင်းမြစ်များ

1 Myghternedh 20:4

Myghtern Ysrael a worthybis, ‘Dell leverydh, ow arloedh, A vyghtern, my yw dhis, ha pup-tra a'm beus.’

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 18:7

Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

2 Kroniklys 28:16

Y'n dydhyow na myghtern Ahaz a dhannvonas dhe vyghtern Assyria ow pysi gweres.

2 Kroniklys 28:20

Yndella Tiglath-pileser myghtern Assyria a dheuth er y bynn, ha'y arwaska yn le y grevhe.

Ysay 2:6

Rag ty re forsakyas dha bobel, chi Yakob, drefenn i dhe vos leun a hudoryon dhiworth an howldrevel, hag a goelyogyon, kepar ha'n Filistysi, hag i a shak diwleuv gans fleghes estrenyon.

Yeremia 13:21

Pandr'a leverydh pan y'th kessydh? rag ty re's dyskas dhe vos dha geffrysysi, avel penn warnas: a ny wra gloesow dha dhalghenna, avel gwreg yn gwelivos?

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Kynvannow 4:17

Hwath agan dewlagas a fyllis, ow kortos difres yn euver; yn agan goelva ni a woelyas rag kenedhel na allas sawya.

Ezekiel 16:28

Ty a wrug fornikasyon gans mebyon Assyria ynwedh, rag ty dhe vos heb dha walgha; ty a wrug fornikasyon gansa ha hwath ny veus gwalghys.

Ezekiel 23:12

Hi o hwansek dhe vebyon Assyria, governours ha kaslewydhyon, breselysi dillasys yn splann, marghogyon ow marghogeth war vergh, i oll gwer yowynk desiradow.

Ezekiel 23:5

Ohola o hora pan o hi dhymm, ha hi a hwansa hy herysi assyriek – kasoryon,

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.