2 Myghternedh 16:14 - An Bibel Kernewek 20234 (Kernewek Kemmyn)

¹⁴ Ev a gemmeras an alter a vrons esa a-rag an Arloedh dhiworth tal an chi, dhiworth an le ynter an alter nowydh ha chi an Arloedh, ha'y gorra orth tu kledhbarth an alter nowydh.

2 Myghternedh 16:14 ပူးပေါင်းရင်းမြစ်များ

2 Myghternedh 16:11

Ytho Uria an oferyas a dhrehevis alter herwydh pup-tra re dhannvonsa myghtern Ahaz dhiworth Damaskus; hag Uria an oferyas a'n drehevis kyns an myghtern dhe dhos dhiworth Damaskus.

2 Myghternedh 16:13

Ev a loskas y offrynn leskys ha'y offrynn greun, ha divera y offrynn diwes, ha skoellya goes y offrynnow kres war an alter.

2 Myghternedh 16:15

Myghtern Ahaz a worhemmynnis dhe Uria an oferyas, ow leverel, ‘War an alter veur losk offrynn leskys an myttin, hag offrynn greun an gorthugher, hag offrynn leskys an myghtern, ha'y offrynn greun, gans offrynn leskys oll pobel an pow, aga offrynn greun, ha'ga offrynn diwes; ena skoell warnedhi oll an goes dhiworth an offrynnow leskys, hag oll an goes dhiworth an sakrifisow; mes an alter a vrons a vydh dhymmo vy rag ow devnydh ow honan.’

2 Kroniklys 1:5

Ynwedh yth esa an alter a vrons, a wrussa Bezalel mab Hur, a-rag tabernakel an Arloedh; ytho Solomon ha'n kuntelles a hwilas anodho ena.

2 Kroniklys 29:19

Ni re bareusis ha sakra oll an daffar a veu skonys gans myghtern Ahaz der y reyn, pan ova dislel. Ymons i a-rag alter an Arloedh.’

2 Kroniklys 4:1

Ev a wrug alter a vrons, ugens kevelin hy hys, ugens kevelin hy les, ha deg kevelin hy ughelder.

Eksodus 27:1

Ty a wra an alter a brenn shittim, pymp kevelin hy hys ha pymp kevelin hy les; an alter a vydh pedrek, ha'y ughelder a vydh tri hevelin.

Eksodus 27:2

Ha ty a wra kern rygdhi war hy feder kornell; ha'n kern a vydh a unn rann gensi, ha ty a wra hy gorlownya gans brons.

Eksodus 40:29

Hag ev a settyas alter an offrynn leskys dhe dharas tabernakel tylda an kuntelles, hag offrynna warnedhi an offrynn leskys ha'n offrynn greun; dell worhemmynnsa an Arloedh dhe Moyses.

Eksodus 40:6

Ha ty a sett alter an offrynn leskys a-rag daras tabernakel tylda an kuntelles,

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.