2 Myghternedh 15:5 - An Bibel Kernewek 20234 (Kernewek Kemmyn)

⁵ An Arloedh a weskis an myghtern, mayth o klavorek bys yn dydh y vernans, hag yth esa trigys yn chi diberth. Yotham, mab an myghtern a rewlyas an palas, ow koverna pobel an pow.

2 Myghternedh 15:5 ပူးပေါင်းရင်းမြစ်များ

2 Samuel 3:29

Re goettho an goes war benn Yoab, ha war oll chi y das; ha bynner re bo chi Yoab heb unn den a'n jeves sygerans, po yw klavorek, po a boes war y lorgh, po a goedh der an kledha, po a fyll a vara.’

2 Samuel 8:15

Davydh a reynyas war oll Ysrael; ha Davydh a wrug gwirvreus hag ewnder rag oll y bobel.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

2 Myghternedh 15:32

Y'n nessa blydhen a Pekagh mab Remalia myghtern Ysrael, Yotham mab Uzzia myghtern Yuda a dhallathas reynya.

2 Myghternedh 15:6

Gweythresow erell Azaria, ha pup-tra a wrug, a nyns yns i skrifys yn lyver kovadhow myghternedh Yuda?

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

2 Myghternedh 7:3

Yth esa peswar gour klavorek orth entrans an yet. Yn-medhons an eyl dh'y gila, ‘Prag yth esedhyn omma bys pan verwyn?

1 Kroniklys 3:12

Amasia, Azaria, Yotham,

1 Kroniklys 5:17

Oll an re ma a veu omrolys der aghskrifow yn dydhyow Yotham myghtern Yuda hag yn dydhyow Yeroboam myghtern Ysrael.

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Salmow 72:1

A Dhuw, ro dha vreusow dhe'n myghtern, ha'th ewnder dhe vab an myghtern.

Hosea 1:1

Ger an Arloedh hag a dheuth dhe Hosea mab Beeri, yn dydhyow Uzzia, Yotham, Ahaz, Hezekia, myghternedh Yuda, hag yn dydhyow Yeroboam mab Yoash, myghtern Ysrael.

Levitikus 13:46

Oll an dydhyow may ma an pla warnodho, y fydh avlan. Avlan yw; ev a drig y honan. Mes a'n kamp y fydh y drigva.

Mika 1:1

Hemm yw ger an Arloedh a dheuth dhe Mika a Moresheth yn dydhyow Yotham, Ahaz ha Hezekia, myghternedh Yuda, an pyth a welas a-dro dhe Samaria ha Yerusalem.

Niverow 12:10

Pan omdennas an gommolenn a-dhiwar an tylda, otta, Miryam o lovrek, mar wynn avel an ergh. Hag Aron a dreylyas tu ha Miryam, hag otta, hi o lovrek.

Niverow 12:14

Mes an Arloedh a leveris dhe Moyses, ‘Mar trewsa hy thas yn hy fas, a ny vedha meth dhedhi seyth dydh? Gas hi dhe vos eskes yn-mes a'n kamp seyth dydh, ha wosa henna hi a yll bos dres arta a-ji.’

Dewteronomi 24:8

Yn termyn plag a lovryjyon, gwayt gul gans rach pup-tra a wra an oferysi leviek y dhyski dhis; dell worhemmynnis dhedha, yndella gwayt y wul.