2 Myghternedh 15:19 - An Bibel Kernewek 20234 (Kernewek Kemmyn)

¹⁹ Ha Pul myghtern Assyria a dheuth erbynn an tir; Menahem a ros dhe Pul deg mil dalent a arghans, may halla ev y weres ow fastya y dhalghenn war a'n ruvaneth.

2 Myghternedh 15:19 ပူးပေါင်းရင်းမြစ်များ

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

2 Myghternedh 14:5

Kettell veu an vyghterneth fastys yn y leuv, ev a ladhas y wesyon re ladhsens an myghtern y das.

2 Myghternedh 15:18

Ev a wrug an pyth o drog yn golok an Arloedh; ny dreylyas dres oll y dhydhyow dhiworth peghosow Yeroboam mab Nebat, a wrug dhe Ysrael pegha.

2 Myghternedh 15:20

Menahem a gemmeras ardoll dhiworth Ysrael, oll an tus alloesek, hanter-kans shekel a arghans dhiworth pub huni, dh'y ri dhe vyghtern Assyria. Ytho myghtern Assyria a dreylyas war y lergh ha ny drigas ena y'n pow.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 16:8

Hag Ahaz a gemmeras an arghans ha'n owr a veu kevys yn chi an Arloedh hag yn tresorvaow chi an myghtern, ha'ga dannvon avel ro dhe vyghtern Assyria.

2 Myghternedh 18:16

Y'n termyn na Hezekia myghtern Yuda y dhestryppyas an owr dhiworth darasow tempel an Arloedh, ha dhiworth an postow-daras re worlownas Hezekia myghtern Yuda, ha'y ri dhe vyghtern Assyria.

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 83:8

Asshur ynwedh re junyas gansa; i re weresas dhe vebyon Lot. Sela.

Ysay 9:1

Mes ny vydh tewlder rygdhi hi neb a veu yn ahwer. Yn termyn kyns ev a wrug bismer dhe bow Zebulun ha pow Naftali, mes wortiwedh ev a wra enora fordh an mor, war an tu arall dhe'n Yordan, Galile an kenedhlow.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Ezekiel 23:5

Ohola o hora pan o hi dhymm, ha hi a hwansa hy herysi assyriek – kasoryon,

Hosea 10:6

Ev ynwedh a vydh dres dhe Assyria avel ro dhe'n myghtern meur. Efraym a'n jevydh meth, hag Ysrael a vydh methek a'y gusul.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.