2 Myghternedh 15:12 - An Bibel Kernewek 20234 (Kernewek Kemmyn)

¹² Ambos an Arloedh o hemma, a ros dhe Yehu, ‘Dha vebyon a esedh war dron Ysrael bys y'n peswora henedh.’ Hag yndella y hwarva.

2 Myghternedh 15:12 ပူးပေါင်းရင်းမြစ်များ

2 Myghternedh 10:10

Godhvydhewgh lemmyn na goedh dhe'n dor travyth a er an Arloedh, a gewsis an Arloedh a-dro dhe ji Ahab; rag an Arloedh re wrug an pyth a leveris der y was Elias.’

2 Myghternedh 10:30

An Arloedh a leveris dhe Yehu, ‘Drefenn ty dhe wul yn ta dre gollenwel an pyth yw ewn y'm dewlagas, ha dhe dhyghtya chi Ahab herwydh pup-tra esa y'm kolonn, dha vebyon a'n peswora henedh a esedh war dron Ysrael.’

2 Myghternedh 13:1

Y'n tressa blydhen warn ugens a vyghtern Yoash mab Ahazia myghtern Yuda, Yehoahaz mab Yehu a dhallathas reynya war Ysrael yn Samaria, hag ev a reynyas seytek blydhen.

2 Myghternedh 13:10

Y'n seytegves blydhen warn ugens a Yoash myghtern Yuda Yehoash mab Yehoahaz a dhallathas reynya war Ysrael yn Samaria, hag ev a reynyas hwetek blydhen.

2 Myghternedh 13:13

Yehoash a goskas gans y dasow, ha Yeroboam a esedhas war y dron. Yoash a veu ynkleudhys yn Samaria gans myghternedh Ysrael.

2 Myghternedh 14:29

Yeroboam a goskas gans y dasow, gans myghternedh Ysrael; ha Zekaria y mab a reynyas yn y le.

2 Myghternedh 15:11

Gweythresow erell Zekaria, ottensi skrifys yn lyver kovadhow myghternedh Ysrael.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Mark 13:31

Nev ha nor a dremen dhe-ves, mes ow geryow vy, ny dremenons dhe-ves.

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Yowann 19:24

Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Oberow 1:16

‘Breder, res o an skryptor dhe vos kollenwys, a dharganas an Spyrys Sans dre anow Davydh a-dro dhe Yudas, neb a dheuth ha bos gidyer dhe'n re a dhalghennas Yesu,

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.