2 Myghternedh 14:27 - An Bibel Kernewek 20234 (Kernewek Kemmyn)

²⁷ Mes ny lavarsa an Arloedh ev dhe dhefendya hanow Ysrael yn-dann nev; ytho ev a's sawyas dre leuv Yeroboam mab Yoash.

2 Myghternedh 14:27 ပူးပေါင်းရင်းမြစ်များ

2 Myghternedh 13:23

Grassyes orta o an Arloedh, hag ev a'n jevo truedh warnedha. Ev a dreylyas trohag i drefenn y gevambos gans Abraham, Ysak ha Yakob, ha ny vynnas aga distrui; ha ny's tewlis dhiworth y lok bys y'n eur ma.

2 Myghternedh 13:5

Ytho an Arloedh a ros selwyas dhe Ysrael, may tianksons dhiworth leuv Aram; hag yth esa fleghes Ysrael trigys yn aga thyldow kepar ha kyns.

2 Myghternedh 5:1

Naaman, kapten lu myghtern Aram, o gour meur a-rag y vester, hag enoradow drefenn an Arloedh dhe ri budhogoleth dredho dhe Aram. An gour o kasor galloesek, mes klavorek.

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Dewteronomi 25:19

Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Dewteronomi 9:14

Gas vy ow honan, ma's distruiv ha defendya dhe-ves aga hanow a-dhann an ebron; ha my a'th wra kenedhel vrassa ha kreffa agesso.’

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.