2 Myghternedh 14:23 - An Bibel Kernewek 20234 (Kernewek Kemmyn)

²³ Y'n pymthegves blydhen a Amasia mab Yoash myghtern Yuda, Yeroboam mab Yoash myghtern Ysrael a dhallathas reynya yn Samaria, ha reynya unn vlydhen ha dew-ugens.

2 Myghternedh 14:23 ပူးပေါင်းရင်းမြစ်များ

2 Myghternedh 10:30

An Arloedh a leveris dhe Yehu, ‘Drefenn ty dhe wul yn ta dre gollenwel an pyth yw ewn y'm dewlagas, ha dhe dhyghtya chi Ahab herwydh pup-tra esa y'm kolonn, dha vebyon a'n peswora henedh a esedh war dron Ysrael.’

2 Myghternedh 13:13

Yehoash a goskas gans y dasow, ha Yeroboam a esedhas war y dron. Yoash a veu ynkleudhys yn Samaria gans myghternedh Ysrael.

2 Myghternedh 14:1

Y'n nessa blydhen a Yehoash mab Yehoahaz myghtern Ysrael, Amasia mab Yoash myghtern Yuda a dhallathas reynya.

2 Myghternedh 14:15

Gweythresow erell Yehoash a wrug, ha'y nerth, ha fatell vatalyas orth Amasia myghtern Yuda, a nyns yns i skrifys yn lyver kovadhow myghternedh Ysrael?

2 Myghternedh 14:16

Yehoash a goskas gans y dasow, hag a veu ynkleudhys yn Samaria gans myghternedh Ysrael; ha Yeroboam y vab a reynyas yn y le.

2 Myghternedh 14:22

Ev a dhrehevis Elath, ha'y daskorr dhe Yuda, wosa an myghtern dhe goska gans y dasow.

2 Myghternedh 14:24

Ev a wrug an pyth o drog yn golok an ARLOEDH: ny dhibarthas dhiworth oll peghosow Yeroboam mab Nebat, a wrug dhe Ysrael pegha.

2 Myghternedh 14:27

Mes ny lavarsa an Arloedh ev dhe dhefendya hanow Ysrael yn-dann nev; ytho ev a's sawyas dre leuv Yeroboam mab Yoash.

2 Myghternedh 15:1

Y'n seythves blydhen warn ugens a Yeroboam myghtern Ysrael, Azaria mab Amasia myghtern Yuda a dhallathas reynya.

1 Kroniklys 5:17

Oll an re ma a veu omrolys der aghskrifow yn dydhyow Yotham myghtern Yuda hag yn dydhyow Yeroboam myghtern Ysrael.

Hosea 1:1

Ger an Arloedh hag a dheuth dhe Hosea mab Beeri, yn dydhyow Uzzia, Yotham, Ahaz, Hezekia, myghternedh Yuda, hag yn dydhyow Yeroboam mab Yoash, myghtern Ysrael.

Amos 1:1

Geryow Amos, neb esa yn mysk bugeledh Tekoa, a welas yn gwelesigeth a-dro dhe Ysrael yn dydhyow Uzzia myghtern Yuda hag yn dydhyow Yeroboam mab Yoash, myghtern Ysrael, diw vlydhen kyns an dorgrys.