2 Myghternedh 14:10 - An Bibel Kernewek 20234 (Kernewek Kemmyn)
10 Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’
Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.
Mes Neko a dhannvonas kannasow dhodho ow leverel, ‘Pyth eus yntredhon ni, myghtern Yuda? Nyns av er dha bynn hedhyw, mes erbynn an chi ganso mayth esov ow patalyas, ha Duw re worhemmynnis dhymm fyski; astel sevel orth Duw, usi genev, rag ma na'th tiswrello.’
Moyses a leveris dhe Faro, ‘Gorhemmynn dhymm, my a'th pys, p'eur tal dhymm pysi ragos ha rag dha servysi ha'th pobel, may fo distruys an kwilkynyow ahanas ha'th chiow ma na vons gesys marnas y'n Nil.’
Yndellma y lever an Arloedh Duw: A nyns yw ty neb a gewsis vy a-dro dhodho y'n dydhyow koth, dre leuv ow gwesyon profoesi Ysrael, a brofoessons lies blydhen y'n dydhyow na, my dhe'th tri er aga fynn?
Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.