2 Myghternedh 13:5 - An Bibel Kernewek 20234 (Kernewek Kemmyn)

⁵ Ytho an Arloedh a ros selwyas dhe Ysrael, may tianksons dhiworth leuv Aram; hag yth esa fleghes Ysrael trigys yn aga thyldow kepar ha kyns.

2 Myghternedh 13:5 ပူးပေါင်းရင်းမြစ်များ

2 Myghternedh 13:25

Ena Yehoash mab Yehoahaz a dhaskemmeras dhiworth leuv Ben-hadad mab Hazael an sitys a gemmersa dhiworth leuv Yehoahaz y das yn bresel. Teyrgweyth Yehoash a'n fethas, ha daskavoes sitys Ysrael.

2 Myghternedh 14:25

Ev a dhaswrug or Ysrael dhiworth Lebo-hamath bys yn mor Araba, herwydh ger Arloedh Ysrael, a gewsis dre leuv y was Yona mab Amittay, an profoes a Gath-hefer.

2 Myghternedh 14:27

Mes ny lavarsa an Arloedh ev dhe dhefendya hanow Ysrael yn-dann nev; ytho ev a's sawyas dre leuv Yeroboam mab Yoash.

1 Kroniklys 11:2

Yn termyn passys, hwath pan o Sowl myghtern, yth o ty neb a ledyas Ysrael yn-mes yn batel ha'ga dri tre. An Arloedh dha Dhuw a leveris dhis, Ty a vydh bugel ow fobel Ysrael ha ty a vydh rewler war ow fobel Ysrael.’

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Obadia 1:21

Ha tus delivrys a yn-bann dhe venydh Sion dhe rewlya menydh Esaw; ha'n myghternsys a vydh dhe'n Arloedh.

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Dewteronomi 19:4

Hemm yw an rewl rag an ladher neb a fi bys di rag may fewo, neb a weskis y gentrevek dre wall ha neb na'n kasas kyns:

1 Samuel 12:11

Ha'n Arloedh a dhannvonas Yerubbaal ha Bedan, ha Yefthagh, ha Samuel, ha'gas delivra dhiworth leuv agas eskerens a bub tu; ha hwi a drigas yn sawder.

1 Samuel 19:7

Ha Yonathan a elwis Davydh ha derivas oll an traow ma dhodho. Ha Yonathan a dhros Davydh dhe Sowl, hag yth esa ev yn y lok, kepar ha kyns.