2 Myghternedh 13:21 - An Bibel Kernewek 20234 (Kernewek Kemmyn)

²¹ Hag y hwarva, pan esens owth ynkleudhyas neb gour, i a welas bagas a soudoryon, hag i a dewlis an gour a-berth yn bedh Elisha ha mos dhe-ves: kettell dochyas an gour eskern Elisha, ev a dhasvewas ha sevel war y dreys.

2 Myghternedh 13:21 ပူးပေါင်းရင်းမြစ်များ

Oberow 19:12

may hwarva, pan veu dres dhe'n glevyon lienyow-dorn po apronyow ha re bia orth y groghen, aga klevesow a's gasas hag yth eth an drog spyrysyon yn-mes anedha.

Oberow 5:15

Keffrys i a dhros yn-mes an glevyon y'n stretow, ha'ga gorra war weliow ha strelyow, may koettha skeus Peder dhe'n lyha war rann anedha hag ev ow passya.

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

2 Myghternedh 4:35

Ena ev a sevis ha kerdhes y'n chi yn-rag ha war-dhelergh, ha mos war an gweli hag omystynn warnodho; ha'n flogh a striwis seythgweyth ha'n flogh a igoras y dhewlagas.

Diskwedhyans 11:11

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.

Yowann 11:44

Ha'n den marow a dheuth yn-mes, kelmys y dreys ha'y dhiwleuv gans lystennow, ha'y fas maylys gans lien. Yn-medh Yesu dhedha, ‘Gwrewgh y dhigelmi, ha gesewgh ev dhe vos dhe-ves.’

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

2 Myghternedh 13:22

Hazael myghtern Aram a arweskis Ysrael dres dydhyow oll Yehoahaz.