2 Myghternedh 13:14 - An Bibel Kernewek 20234 (Kernewek Kemmyn)

¹⁴ Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 13:14 ပူးပေါင်းရင်းမြစ်များ

Jenesis 48:1

Y hwarva, wosa an taklow ma, nebonan dhe leverel dhe Yosep, ‘Otta, klav yw dha das.’ Ytho ev a gemmeras y dhew vab Manasse hag Efraym ganso.

Jenesis 49:33

Ha Yakob a worfennas erghi dh'y vebyon ha tenna yn-bann y dreys a-berth yn y weli, hag anella y dhiwettha anall. Hag ev a veu kuntelles dh'y bobel.

Jenesis 50:1

Ena Yosep a goedhas war fas y das, hag oela warnodho, hag amma dhodho.

2 Myghternedh 13:12

Gweythresow erell Yehoash, ha pup-tra a wrug, ha'y nerth yn y vresel erbynn Amasia myghtern Yuda, a nyns yns i skrifys yn lyver kovadhow myghternedh Ysrael?

2 Myghternedh 13:13

Yehoash a goskas gans y dasow, ha Yeroboam a esedhas war y dron. Yoash a veu ynkleudhys yn Samaria gans myghternedh Ysrael.

2 Myghternedh 13:15

Elisha a leveris dhodho, ‘Kemmer gwarak ha sethow’; hag ev a gemmeras gwarak ha sethow.

2 Myghternedh 2:12

Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

2 Myghternedh 20:1

Y'n dydhyow na Hezekia eth ha bos klav bys yn eneworres. An profoes Ysay mab Amos a dheuth dhodho, ha leverel dhodho, ‘Yndellma y lever an ARLOEDH: Kempenn dha ji, rag ty a verow; ny vewydh.’

2 Myghternedh 6:21

Myghtern Ysrael a leveris dhe Elisha pan y's gwelas, ‘Ow thas, a wrav aga ladha? A wrav aga ladha?’

Salmow 12:1

Salw, A Arloedh, rag nyns eus unn dremas gesys; rag an dus len re dhifygyas mes a vebyon den.

Lavarow Koth 11:11

Dre vennath an re ewnhynsek sita yw ughelhes, mes domhwelys yw gans ganow an debeles.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Zekaria 1:5

Agas tasow, ple'mons i? Ha'n brofoesi, a vewons bys vykken?

Mark 6:20

rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Yowann 11:3

Ytho an hwerydh a dhannvonas dhodho ow leverel, ‘Arloedh, otta, ev neb a gerydh yw klav.’

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Filippianys 2:26

a-ban yeuni ev war agas lergh pubonan, ha troblys veu rag hwi dhe glewes y vos klav.