2 Myghternedh 12:9 - An Bibel Kernewek 20234 (Kernewek Kemmyn)

⁹ Yehoyada an oferyas a gemmeras kist ha tardra toll yn hy gorher, ha'y settya ryb an alter, a'n barth dhyghow ow tos a-berth yn chi an Arloedh. An oferysi esa ow kwitha an treudhow a worras ynni oll an arghans a veu dres a-berth yn chi an Arloedh.

2 Myghternedh 12:9 ပူးပေါင်းရင်းမြစ်များ

2 Myghternedh 12:8

Ytho an oferysi a assentyas na dhegemmerens arghans moy dhiworth an bobel, na ewnhe an chi aga honan.

2 Myghternedh 22:4

‘Ke yn-bann dhe Hilkia an arghoferyas, ha gwra dhodho rekna oll sommenn an arghans dres a-berth yn chi an Arloedh, re guntellas gwithysi an treudhow a-dhiworth an bobel;

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Myghternedh 25:18

Kapten an withysi a gemmeras Seraya an arghoferyas, Sefania an isarghoferyas, ha tri gwithyas a'n treudhow.

1 Kroniklys 15:18

ha gansa aga breder a'n nessa ordyr, Zekaria, Ben, Yaaziel, Shemiramoth, Yehiel, Unni, Eliab, Benaya, Maaseya, Mattithia, Elifelehu ha Mikneya, ha'n borthoryon Obed-edom ha Yeiel.

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Yeremia 52:24

Kapten an withysi a gemmeras Seraya an pennoferyas, an nessa oferyas Sefania, ha'n tri gwithyas a'n treudhow;

Mark 12:41

Hag ev a esedhas a-dal an arghow, hag a weli fatell esa an routh ow tewlel mona y'n argh. Ha lies den rych a dewli meur.

Luk 21:1

Ow mires yn-bann ev a welas an dus rych esa ow tewlel aga rohow y'n arghow.