2 Myghternedh 12:4 - An Bibel Kernewek 20234 (Kernewek Kemmyn)

⁴ Yoash a leveris dhe'n oferysi, ‘Oll an arghans yw dres yn chi an Arloedh avel rohow sakrys – toll an niveryans, talas ambosow, – hag arghans an offrynnow bodhek dres a-berth yn chi an Arloedh,

2 Myghternedh 12:4 ပူးပေါင်းရင်းမြစ်များ

1 Myghternedh 3:2

Yth esa an bobel ow sakrifia y'n tylleryow ughel, drefenn na via chi drehevys hwath dhe hanow an Arloedh.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

1 Myghternedh 7:1

Trydhek blydhen yth esa Solomon ow trehevel y ji y honan, hag ev a worfennas y ji kowal.

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

2 Myghternedh 12:5

kemmeres an oferysi an re ma dhiworth an alhwedhor, hag ewnhe an chi plepynag may fo edhomm a ewnheans diskudhys.’

2 Myghternedh 14:4

Ny veu an tylleryow ughel kemmerys dhe-ves: an bobel a besyas sakrifia ha leski offrynnow war an tylleryow ughel.

2 Myghternedh 15:4

Byttegyns ny veu an tylleryow ughel kemmerys dhe-ves; an bobel a besyas sakrifia ha leski offrynnow y'n tylleryow ughel.

2 Myghternedh 16:4

Hag ev a sakrifia ha leski offrynnow y'n tylleryow ughel, ha war an breow, hag yn-dann bub gwydhenn las.

2 Myghternedh 17:11

hag ena i a loskas offrynnow yn pub tyller ughel, kepar dell wre an kenedhlow a wrug an Arloedh aga fesya a-ragdha. I a wre drogoberow a brovokyas an Arloedh dhe sorr;

2 Myghternedh 22:4

‘Ke yn-bann dhe Hilkia an arghoferyas, ha gwra dhodho rekna oll sommenn an arghans dres a-berth yn chi an Arloedh, re guntellas gwithysi an treudhow a-dhiworth an bobel;

1 Kroniklys 18:11

An re ma ynwedh myghtern Davydh a sakras dhe'n Arloedh, war-barth gans an arghans ha'n owr re dhegsa dhiworth oll an kenedhlow ma: dhiworth Edom, Moab, an Ammonysi, an Filistysi hag Amalek.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

2 Kroniklys 15:18

Ev a dhros yn chi Duw rohow sakrys y das ha'y rohow sakrys y honan – arghans, owr ha daffar.

2 Kroniklys 31:12

Yn lel i a dhug ynno an kevrohow, an degedhow ha'n taklow re bia sakrys. An pennsoedhek neb a'n jevo charj warnedha o Konania an Levyas, gans y vroder Shimei avel an nessa dhodho;

2 Kroniklys 35:2

Ev a apoyntyas an oferysi dh'aga soedhow ha'ga krevhe yn servis chi an Arloedh.

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Ezra 2:69

I a ros herwydh aga galloes dhe dresorva an ober onan ha tri-ugens mil dharik a owr, ha pymp mil vina a arghans, ha kans mantell oferysi.

Ezra 7:16

hag oll an arghans ha'n owr a yllydh aga huntell yn rannvro Babylon oll, gans offrynnow bolonjedhek an bobel ha'n oferysi, ambosys a-vodh rag chi aga Duw usi yn Yerusalem.

Eksodus 35:22

Yndellma y teuthons, ha gwer ha benynes; oll a golonn volonjedhek a dhros brochys ha bysowyer ha bysowyer-sel ha tergh, pub eghenn a daklow owrek, peub owth offrynna offrynn a owr dhe'n Arloedh.

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Eksodus 36:3

hag i a dhegemmeras dhiworth Moyses oll an offrynnow re dhrosa mebyon Ysrael yn ober servis an sentri. I a besyas dri offrynnow bolonjedhek pub myttin,

Levitikus 27:31

Gour mar mynn dasprena rann y dega, ev a geworr dhodho unn pympes rann moy.

Luk 21:4

rag oll an re ma a dewlis yn offrynnow Duw dhiworth aga lanwes, mes hi dhiworth hy edhomm a dewlis oll an pygans a's tevo.’