2 Myghternedh 11:18 - An Bibel Kernewek 20234 (Kernewek Kemmyn)

¹⁸ Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

2 Myghternedh 11:18 ပူးပေါင်းရင်းမြစ်များ

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

2 Myghternedh 10:21

Ena Yehu a dhannvonas messaj der oll Ysrael; oll gordhyoryon Baal a dheuth ma nag esa den gesys na dheuth. I a entras yn tempel Baal, ha leun o tempel Baal dhiworth an eyl penn dh'y gila.

2 Myghternedh 10:25

Kettell worfennas gul an offrynn leskys, Yehu a leveris dhe'n korfwithysi ha'n gaptenyon, ‘Kewgh a-ji ha'ga ladha; na skapyes denvyth.’ Hag i a's gweskis gans min an kledha; ha'n withysi ha'n gaptenyon a's tewlis yn-mes. Ena i eth yn sentri pervedhel tempel Baal.

2 Myghternedh 10:26

I a gemmeras yn-mes an peulven esa yn tempel Baal ha'y leski.

2 Myghternedh 10:27

Ena i a vrewis peulven Baal, ha distrui tempel Baal, ha gul anodho kawghti, bys y'n jydh hedhyw.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

2 Myghternedh 23:20

Ev a ladhas war an alteryow oll oferysi an tylleryow ughel esa ena, ha leski eskern denel warnedha. Ena ev a dhehwelis dhe Yerusalem.

2 Kroniklys 21:17

I a dheuth yn-bann erbynn Yuda, i a entras ynno, ha doen dhe-ves oll an pythow a gavsons yn chi an myghtern, war-barth gans y vebyon ha'y wragedh, bys ma nag o mab gesys dhodho marnas Yehoahaz, y yowynka mab.

2 Kroniklys 34:4

Yn y lok i a dennas yn-nans alteryow an Baalim; ev a dhiswrug an alteryow a ynkys a sevi a-ughta. Ev a dorras yn-nans an Asherim ha'n imajys gravys ha'n imajys teudhys; ev a wrug polter anedha ha'y skoellya war vedhow an re re sakrifisa dhedha.

2 Kroniklys 34:7

ev a dorras dhe'n dor an alteryow, hag a vrewis an Asherim ha'n imajys gravys dhe bolter hag a dhistruis oll an alteryow ynkys der oll pow Ysrael. Ena ev a dhehwelis dhe Yerusalem.

Eksodus 32:20

Hag ev a gemmeras an leugh re wrussons, ha'y leski gans tan, ha'y velyas dhe bolter, ha'y skoellya war an dowr hag a wrug dhe vebyon Ysrael y eva.

Ysay 2:18

An idolys a dremen glan dhe-ves.

Dewteronomi 12:2

Distruewgh glan oll an tylleryow may hwrug an kenedhlow esowgh ow kemmeres aga eretons servya aga duwow ena, war an menydhyow ha war an brennow hag yn-dann bub gwydhenn las.

Dewteronomi 12:3

Terrewgh aga alteryow dhe'n dor, ha brewi aga feulveyn, ha leski aga Asherim gans tan; treghewgh dhe'n dor imajys gravys aga duwow, ha distrui aga hanow dhiworth an tyller na.

Dewteronomi 13:10

Labydh ev gans meyn may farwo, drefenn ev dhe hwilas dha dhynya dhiworth an Arloedh dha Dhuw neb a's dros yn-mes a bow Ejyp, dhiworth an chi a gethneth.

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 13:9

mes ty a'n ladh devri; dha leuv a vydh an kynsa warnodho dh'y worra dhe'n mernans, ha leuv oll an bobel a-wosa.